ព័ត៌មានអន្ដរជាតិ

យោធា មីយ៉ាន់ម៉ា ព្រមានអ្នកណាចុច Like គាំទ្រលទ្ធិប្រជាធិបតេយ្យលើ Facebook នឹងជាប់ពន្ធនាគារ

បានផុស

៤ years មុន

នៅ

ថ្ងៃពុធ ២១ កញ្ញា ២០២២

ដោយ

យោធាមីយ៉ាន់ម៉ាព្រមានថា អ្នកណាដែលបង្ហាញការគាំទ្រចំពោះលទ្ធិប្រជាធិបតេយ្យនៅលើប្រព័ន្ធផ្សព្វផ្សាយសង្គមអាចប្រឈមមុខនឹងការជាប់ពន្ធនាគាររហូតដល់ ១០ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រុមប្រឹក្សាគ្រប់គ្រងយោធាបានប្រាប់សន្និសីទសារព័ត៌មានកាលពីថ្ងៃអង្គារថា មនុស្សដែលគាំទ្រក្រុមដែលមានអរិភាពនឹងយោធាអាចត្រូវបានកាត់ទោស ។

អ្នកនាំពាក្យរូបនេះបាននិយាយថា ការចុច Share ឬ Like លើមាតិកាលើបណ្ដាសង្គម Facebook ដោយរដ្ឋាភិបាលរួបរួមជាតិគាំទ្រលទ្ធិប្រជាធិបតេយ្យនឹងចាត់ទុកថាជាទង្វើញុះញង់សាធារណជន ។

លោកក៏បានស្នើដែរថា យោធានឹងដាក់ទណ្ឌកម្មយ៉ាងធ្ងន់ធ្ងរដល់អ្នកដែលផ្តល់ការផ្គត់ផ្គង់ដល់ចលនាតស៊ូ ស្របពេលដែលការប្រយុទ្ធគ្នាបាននិងកំពុងបន្តរវាងក្រុមយោធា និងក្រុមប្រឆាំង ចាប់តាំងពីរដ្ឋប្រហារកាលពីឆ្នាំមុនមក ។

គួរបញ្ជាក់ថា ការគាំទ្រលទ្ធិប្រជាធិបតេយ្យកំពុងទទួលបានសន្ទុះរយ៉ាងខ្លាំងតាមរយៈប្រព័ន្ធផ្សព្វផ្សាយសង្គម ដោយក្នុងនោះយោធាត្រូវបានគេជឿថា កំពុងព្យាយាមទប់ស្កាត់សកម្មភាពរបស់ពួកគេ ពោលបានរឹតបន្តឹងការគ្រប់គ្រងព័ត៌មានទាំងអស់ ៕