ថៃត្រៀមផលិតវ៉ាក់សាំងកូវីដសម្រាប់ចែកចាយប្រទេសជិតខាង

ក្រោយបញ្ជាទិញជាមុននូវវ៉ាក់សាំងរបស់ក្រុមហ៊ុនអង់គ្លេស AstraZeneca ចំនួន ២៦ លានដូសសម្រាប់មនុស្ស ១៣ លាននាក់ ទន្ទឹមនោះរដ្ឋាភិបាលថៃក៏បានណែនាំឲ្យរោងចក្រជីវសាស្រ្ត Siam Bioscience ផលិតវ៉ាក់សាំងរបស់ក្រុមហ៊ុន AstraZeneca នៅពាក់កណ្តាលឆ្នាំក្រោយផងដែរ ។

រោងចក្រនេះនឹងមានសមត្ថភាពផលិតវ៉ាក់សាំងចំនួន ១៥ លានដូសក្នុងមួយខែដោយផ្អែកលើកិច្ចព្រមព្រៀងផ្ទេរបច្ចេកវិទ្យាជាមួយក្រុមហ៊ុន AstraZeneca ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្តីសង្ឃឹមមួយទៀតគឺថារោងចក្រនេះនឹងក្លាយជាមជ្ឈមណ្ឌលផលិតវ៉ាក់សាំងសម្រាប់ចែកចាយប្រទេសជិតខាងផងដែរ ។

ទន្ទឹមនឹងនេះវិទ្យាស្ថានវេជ្ជសាស្ត្រជាច្រើននៅក្នុងប្រទេសថៃរួមមានសាកលវិទ្យាល័យ Chulalongkorn និងសាកលវិទ្យាល័យ Mahidol កំពុងខិតខំផលិតវ៉ាក់សាំងផ្ទាល់ខ្លួនផងដែរ ។

បន្ថែមពីនេះការសាកល្បងមនុស្សត្រូវបានគេរំពឹងថានឹងធ្វើឡើងនៅដើមឆ្នាំក្រោយក្នុងគោលបំណងផ្តល់វ៉ាក់សាំងដល់ប្រជាជនថៃនៅចុងឆ្នាំ ២០២១ ប្រសិនបើដំណើរការល្អ និងភាពមានរលូន ។

គួរបញ្ជាក់ថា វ៉ាក់សាំងរបស់ក្រុមហ៊ុន AstraZeneca បានប្រកាសប្រសិទ្ធភាពការពារជំងឺកូវីដជិត ៩០ ភាគរយ ហើយវ៉ាក់សាំងនេះអាចរក្សាទុកក្នុងទូទឹកកកធម្មតាបាន ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ក្រោយផ្ទុះកូវីដខ្លាំង ថៃបញ្ជាទិញវ៉ាក់សាំងក្រុមហ៊ុន AstraZeneca

ចុចអាន ៖ បន្ទាប់ពីរកឃើញការឆ្លងថ្មី១៥៥ករណី ថៃព្រមានថា មួយថ្ងៃអាចមានអ្នកឆ្លងកូវីដឡើងដល់ទៅខ្ទង់ម៉ឺន