Connect with us

ព័ត៌មានអន្ដរជាតិ

រាលដាលជំងឺក្នុងតំបន់រងគ្រោះដោយទឹកជំនន់នៅ ប៉ាគីស្ថាន ស្លាប់មនុស្ស​ជាង ៣០០ នាក់

បានផុស

នៅ

អាជ្ញាធរប៉ាគីស្ថានបាននិយាយកាលពីថ្ងៃពុធថា ករណីជំងឺគ្រុនចាញ់កំពុងរីករាលដាលខ្លាំងនៅក្នុងតំបន់ដែលរងការបំផ្លិចបំផ្លាញដោយទឹកជំនន់របស់ប្រទេស ខណៈចំនួនអ្នកស្លាប់ ដោយសារជំងឺមួយនេះកើនឡើងដល់ ៣២៤ នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សរាប់រយរាប់ពាន់នាក់ដែលត្រូវបានជម្លៀសចេញពីទឹកជំនន់កំពុងរស់នៅក្នុងទីវាល ហើយជួបនូវរលកឆ្លងរាលដាលនៃមេរោគលើស្បែក និងភ្នែក ក៏ដូចជា រាគ គ្រុនចាញ់ គ្រុនពោះវៀន និងជំងឺគ្រុនឈាម ហើយស្ថានភាពអាចនឹងផុតពីការគ្រប់គ្រង ប្រសិនបើជំនួយដែលត្រូវការមិនមកដល់ក្នុងពេលឆាប់ៗនេះ ។

ទន្ទឹមនោះ គ្រួសារដែលផ្លាស់ទីលំនៅត្រូវប្រឈមមុខនឹងហ្វូងសត្វមូស និងគ្រោះថ្នាក់ផ្សេងៗទៀត ដូចជា ពស់ចឹក និងឆ្កែខាំជាដើម ជាពិសេសអ្នកភៀសខ្លួនបានត្អូញត្អែរពីការបង្ខំឲ្យចម្អិន និងផឹកទឹកមិនស្អាត ដោយសារតែប្រព័ន្ធសុខភាពទន់ខ្សោយ និងកង្វះការគាំទ្ររបស់ប៉ាគីស្ថាន ។

ពួកគេកំពុងត្រូវការការផ្គត់ផ្គង់ស្បៀងអាហារ ទីជម្រក ជំនួយផ្នែកវេជ្ជសាស្រ្ត និងថ្នាំពេទ្យ បន្ទាប់ពីមនុស្សជាច្រើនត្អូញត្អែរថា ជំនួយមិនបានទៅដល់ពួកគេនោះទេ ទោះបីជាមានការខិតខំប្រឹងប្រែងពីរដ្ឋាភិបាល និងអង្គការសង្គ្រោះក្នុងស្រុក និងបរទេសក៏ដោយ ។

ស្របពេលជាមួយគ្នានេះក្រសួងហិរញ្ញវត្ថុរបស់ប្រទេសប៉ាគីស្ថានបាននិយាយថា ខ្លួនបានអនុម័តថវិកាចំនួន ១០ ពាន់លានរូពី (៤២ លានដុល្លារអាមេរិក) សម្រាប់ទីភ្នាក់ងារគ្រប់គ្រងគ្រោះមហន្តរាយ សម្រាប់ការប្រើប្រាស់ផ្គត់ផ្គង់ជំនួយសង្គ្រោះទឹកជំនន់ និងការដឹកជញ្ជូនផ្សេងទៀតជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Malasia Now

ចុចអាន ៖ តុងហ្គា ជួបគ្រោះផ្ទុះភ្នំភ្លើង ៨ ដងក្នុងរយៈពេល ៤៨ ម៉ោង (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម