ព័ត៌មានអន្ដរជាតិ
អាមេរិកបើកភ្លើងខៀវ លក់គ្រាប់បែក៣,០០០គ្រាប់ឲ្យ អារ៉ាប៊ីសាអ៊ូឌីត
ក្រសួងការបរទេសសហរដ្ឋអាមេរិកបានយល់ព្រមលើការលក់គ្រាប់បែកចំនួន៣,០០០គ្រាប់ទៅឲ្យប្រទេសអារ៉ាប៊ីសាអ៊ូឌីតដោយលើកហេតុផលថា កិច្ចព្រមព្រៀងនេះគាំទ្រដល់ “សន្តិសុខជាតិ”។
យោងតាមសេចក្តីជូនដំណឹងរបស់ទីភ្នាក់ងារសហប្រតិបត្តិការសន្តិសុខការពារជាតិ (DSCA) បានឲ្យដឹងថា ការលក់គ្រាប់បែកទៅឲ្យប្រទេសអារ៉ាប៊ីសាអ៊ូឌីតត្រូវបានអនុញ្ញាតដោយក្រសួងការបរទេសអាមេរិកកាលពីថ្ងៃអង្គារ។ ការអនុញ្ញាតនេះធ្វើឲ្យសហរដ្ឋអាមេរិកអាចលក់គ្រាប់បែកអង្កត់ផ្ចិតតូចធុន GBU-39 ចំនួន៣,០០០គ្រាប់ទៅឲ្យព្រះរាជាណាចក្រឈូងសមុទ្រពែក្សមួយនេះក្នុងទំហំទឹកប្រាក់ប្រហែល២៩០លានដុល្លារ។
DSCA បាននិយាយថា ការលក់ដែលបានស្នើឡើងនេះនឹងគាំទ្រដល់គោលនយោបាយការបរទេសនិងគោលដៅសន្តិសុខជាតិរបស់សហរដ្ឋអាមេរិក។ វានឹងពង្រឹងសន្តិសុខរបស់ប្រទេសជាមិត្តដែលលើកកម្ពស់ស្ថេរភាពនៅក្នុងតំបន់មជ្ឈិមបូព៌ា។
កិច្ចព្រមព្រៀងដែលអាចទៅរួចកើតឡើងមិនដល់មួយសប្តាហ៍ទេបន្ទាប់ពីក្រសួងការបរទេសបានជូនដំណឹងទៅសភាថាខ្លួននឹងចេញអាជ្ញាប័ណ្ណសម្រាប់ការលក់គ្រាប់បែកពីដីដល់ទៅ ៧.៥០០ គ្រឿងទៅនឹងទឹកប្រាក់ ៤៧៨ លានដុល្លារដែលអនុញ្ញាតឱ្យរ៉េធុននលក់មីស៊ីលដោយផ្ទាល់ទៅរដ្ឋាភិបាលអារ៉ាប៊ីសាអូឌីត។
ការលក់អាវុធទៅឲ្យទីក្រុងរីយ៉ាដបានកើតឡើងចំពេលមានភាពចម្រូងចម្រាស់នៅក្នុងវិមាន កាពីតូល បន្ទាប់ពីសមាជិកសភានានាដូចជាសមាជិកព្រឹទ្ធសភារដ្ឋ New Jersey លោក Bob Menendez បានបដិសេធគាំទ្រកិច្ចព្រមព្រៀងមីស៊ីលទំហំទឹកប្រាក់៤៧៨លានដុល្លារនៅពេលវាត្រូវបានស្នើឡើងជាលើកដំបូងកាលពីដើមឆ្នាំនេះ។
ស្របពេលជាមួយគ្នានោះ លោក William Hartung នាយកគម្រោងអាវុធនិងសន្តិសុខនៅមជ្ឈមណ្ឌលគោលនយោបាយអន្តរជាតិបានទទូចថា ការលក់នេះមិនគួរត្រូវបានអនុញ្ញាតទេដោយលោកបានចង្អុលទៅយុទ្ធនាការទម្លាក់គ្រាប់បែកដ៏សាហាវរយៈពេល៥ឆ្នាំរបស់ទីក្រុងរីយ៉ាដទៅលើប្រទេសយេម៉ែនដែលក្នុងនោះអាវុធផលិតដោយអាមេរិកមានជាប់ទាក់ទងទៅនឹងលទ្ធភាពដែលអាចបង្កទៅជាបទឧក្រិដ្ឋកម្មសង្គ្រាម៕
ប្រែសម្រួលដោយ៖ Vann Vann
ប្រភព៖ RT
ចុចអាន៖ ជាប់ឆ្នោតមិនទាន់ចូលកាន់តំណែងផង សមាជិកសភាអាមេរិកស្លាប់ដោយសារជំងឺកូវីដ១៩
ចុចអាន៖ ក្តៅៗ ត្រាំ ចុះហត្ថលេខាលើកញ្ចប់ជំនួយ និងថវិកា កូវីដ១៩
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង