ព័ត៌មានអន្ដរជាតិ

NHK ផ្សាយថា កម្ពុជា នឹងមិនអញ្ជើញមេដឹកនាំយោធា មីយ៉ាន់ម៉ា ចូលរួមកិច្ចប្រជុំកំពូលអាស៊ាននោះទេ

បានផុស

១ year មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

យោងតាមការចុះផ្សាយរបស់សារព័ត៌មានជប៉ុន NHK បានឲ្យដឹងថា កម្ពុជានឹងមិនអញ្ជើញប្រមុខយោធាមីយ៉ាន់ម៉ាចូលរួមក្នុងកិច្ចប្រជុំកំពូលអាស៊ានដែលនឹងធ្វើឡើងនៅខែក្រោយនេះនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសកម្ពុជាបានថ្លែងកាលពីថ្ងៃពុធថា លោក Min Aung Hlaing មេដឹកនាំយោធាមីយ៉ាន់ម៉ានឹងមិនត្រូវបានអញ្ជើញឲ្យចូលរួមក្នុងកិច្ចប្រជុំនេះនោះទេ ប៉ុន្តែកម្ពុជាក៏បានស្នើឲ្យមីយ៉ាន់ម៉ាបញ្ជូនអ្នកតំណាងមិនមែនកម្រិតនយោបាយមកចូលរួមផងដែរ ។

ប្រភពការទូតបានបញ្ជាក់ទៀតថា យោធាមីយ៉ាន់ម៉ាបានបញ្ចេញប្រតិកម្មយ៉ាងខឹងសម្បារចំពោះបញ្ហានេះ ហើយបាននិយាយថា ខ្លួននឹងមិនបញ្ជូនអ្នកតំណាងមកឡើយ ។

គួរបញ្ជាក់ថា នេះជាឆ្នាំទី ២ ជាប់គ្នាហើយដែលអាស៊ានបានបដិសេធមិនអញ្ជើញលោក Min Aung Hlaing ចូលរួមកិច្ចប្រជុំកំពូលនេះ ខណៈបច្ចុប្បន្នអាស៊ានបាននិងកំពុងបង្ហាញជំហរតឹងរ៉ឹងប្រឆាំងនឹងយោធាមីយ៉ាន់ម៉ា ទោះបីជាអាស៊ានមានគោលការណ៍មិនជ្រៀតជ្រែកក្នុងកិច្ចការផ្ទៃក្នុងរបស់សមាជិកផ្សេងទៀតក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ទិន្នន័យថ្មីប្រាក់ខែគ្រូបង្រៀនថ្នាក់បឋមក្នុងប្រទេសទាំង ១០ នៅ អាស៊ាន