ទិន្នន័យថ្មីប្រាក់ខែគ្រូបង្រៀនថ្នាក់បឋមក្នុងប្រទេសទាំង ១០ នៅអាស៊ាន

គ្រូបង្រៀនជាបុគ្គលសំខាន់បំផុតដែលដើរតួនាទីជាអ្នកលុបបំបាត់បញ្ហាអក្ខរកម្ម និងលើកកម្ពស់គុណភាពអប់រំនៅក្នុងសង្គម ។ គ្រូបង្រៀនជាអ្នកបង្ហាញផ្លូវ និងចែករំលែកចំណេះដឹងជាច្រើនដល់សិស្សនុសិស្ស ឬយុវជនជំនាន់ក្រោយឲ្យមានគុណភាពជីវិតកាន់ប្រសើរឡើង ។

ទន្ទឹមនោះ គ្រូបង្រៀនក៏មានប្រាក់ខែដែលអាចចាត់ទុកថាសមល្មមក្នុងកម្រិតមួយផងដែរ ហើយនេះជាប្រាក់ខែជាមធ្យមក្នុងមួយខែរបស់គ្រូបង្រៀនថ្នាក់បឋមក្នុងប្រទេស ១០ នៅតំបន់អាស៊ីអាគ្នេយ៍ (អាស៊ាន) ៖

១. មីយ៉ាន់ម៉ា ៖ ២៤៥ ដុល្លារ (៩៨០,០០០ រៀល) ជាមធ្យមក្នុងមួយខែ

២. កម្ពុជា ៖ ៣១០ ដុល្លារ (១,២៤០,០០០ រៀល) ជាមធ្យមក្នុងមួយខែ

៣. ឡាវ ៖ ៣២៤ ដុល្លារ (១,២៩៦,០០០ រៀល) ជាមធ្យមក្នុងមួយខែ

៤. វៀតណាម ៖ ៥០៩ ដុល្លារ (២,០៣៦,០០០ រៀល) ជាមធ្យមក្នុងមួយខែ

៥. ឥណ្ឌូណេស៊ី ៖ ៥៨៧ ដុល្លារ (២,៣៤៨,០០០ រៀល) ជាមធ្យមក្នុងមួយខែ

៦. ហ្វីលីពីន ៖ ៦២៣ ដុល្លារ (២,៤៩២,០០០ រៀល) ជាមធ្យមក្នុងមួយខែ

៧. ម៉ាឡេស៊ី ៖ ១,១២២ ដុល្លារ (៤,៤៨៨,០០០ រៀល) ជាមធ្យមក្នុងមួយខែ

៨. ព្រុយណេ ៖ ១,៧៣០ ដុល្លារ (៦,៩២០,០០០ រៀល) ជាមធ្យមក្នុងមួយខែ

៩. ថៃ ៖ ២,២៤០ ដុល្លារ (៨,៩៦០,០០០ រៀល) ជាមធ្យមក្នុងមួយខែ

១០. សិង្ហបុរី ៖ ៤,១៤៩ ដុល្លារ (១៦,៥៩៦,០០០ រៀល) ជាមធ្យមក្នុងមួយខែ ។

គួរបញ្ជាក់ថា ប្រទេសដែលគ្រូបង្រៀនថ្នាក់បឋមមានប្រាក់ខែតិចជាងគេនៅតំបន់អាស៊ានគឺមីយ៉ាន់ម៉ា ពោលទទួលបាន ២៤៥ ដុល្លារក្នុងមួយខែ ខណៈគ្រូបង្រៀននៅសិង្ហបុរីមានប្រាក់ខែច្រើនជាងគេគឺទទួលបាន ៤,១៤៩ ដុល្លារក្នុងមួយខែ ៕

ប្រែសម្រួលដោយ ៖ ជីវ័ន្ត

ប្រភព ៖ Teacher Tayo

ចុចអាន ៖ តើនាយករដ្ឋមន្ត្រី គុយបា ធ្វើទស្សនកិច្ចប្រទេសអាស៊ានណាខ្លះ មុនមក កម្ពុជា?