ព័ត៌មានអន្ដរជាតិ

លោក Zelensky ប្ដេជ្ញាយកទឹកដី អ៊ុយក្រែន ទាំងអស់មកវិញ

បានផុស

៤ years មុន

នៅ

ថ្ងៃសៅរ៍ ១៥ តុលា ២០២២

ដោយ

ប្រធានាធិបតីអ៊ុយក្រែន លោក Volodymyr Zelensky បានប្តេជ្ញាថា នឹងយកទឹកដីអ៊ុយក្រែនទាំងអស់មកវិញ ពីរុស្ស៊ី បន្ទាប់ពីថ្លែងក្នុងសុន្ទរកថាមួយ នៅថ្ងៃឧទ្ទិសដល់អតីតយុទ្ធជន និងវីរៈបុរសដែលបានបាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelensky បានប្រារព្ធទិវាអ្នកការពារកាលពីថ្ងៃសុក្រ នៅឯការជួបជុំមួយក្នុងទីក្រុង Kyiv ខណៈលោកស្ងៀមស្ងាត់មួយភ្លែត ដើម្បីឧទ្ទិសដល់អ្នកដែលបានស្លាប់ក្នុងការការពារអ៊ុយក្រែន ហើយប្រាប់អ្នកដែលមានវត្តមានថា “យើងបានរំដោះភាគខាងជើងនៃប្រទេសរបស់យើង ពីការឈ្លានពានរបស់រុស្ស៊ី ហើយយើងកំពុងរំដោះភាគខាងកើតទាំងមូល” ។

លោកក៏បាននិយាយបន្ថែមទៀតថា “យើងនឹងប្រគល់ទង់ជាតិអ៊ុយក្រែនទៅកាន់ទីក្រុង និងសហគមន៍របស់យើងទាំងអស់នៅភាគខាងត្បូងនៃប្រទេស។ យើងនឹងត្រលប់ទៅកាន់តំបន់ Crimea របស់យើងវិញ ហើយយើងនឹងស្ដារឡើងវិញនូវបូរណភាពទឹកដីនៃរដ្ឋរបស់យើង” ។

គួររម្លឹកដែរថា កាលពីថ្ងៃមុន រដ្ឋាភិបាលអ៊ុយក្រែនបាននិយាយថា កងកម្លាំងប្រដាប់អាវុធរបស់ខ្លួនបានរំដោះការតាំងទីលំនៅចំនួន ៦២៧ ពីការកាន់កាប់របស់រុស្ស៊ីនៅក្នុងតំបន់ភាគខាងកើត និងភាគខាងត្បូង។ លើសពីនេះ អ៊ុយក្រែនបាននិយាយថា ការតាំងទីលំនៅចំនួន ៥០២ ត្រូវបានរំដោះនៅក្នុងតំបន់ភាគខាងកើតនៃ Khariv, ៤៣ នៅតំបន់ភាគខាងកើតនៃ Donetsk, ៧ នៅក្នុងតំបន់ Luhansk នៅភាគខាងកើត និង ៧៥ នៅតំបន់ភាគខាងត្បូងនៃ Kherson ៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖លោក ពូទីន ថា មហន្តរាយសកលនឹងផ្ទុះឡើង បើកងទ័ពណាតូប៉ះជាមួយ រុស្ស៊ី (មានវីដេអូ)

ចុចអាន៖លោក Zelensky ប្រាប់ទំហំទឹកប្រាក់ដែល អ៊ុយក្រែន ត្រូវការកសាងប្រទេសឡើងវិញ