ព័ត៌មានអន្ដរជាតិ
ទីក្រុង Da Nang ជួបគ្រោះទឹកជំនន់ធ្ងន់ធ្ងរ, មនុស្ស ៤នាក់បាត់បង់ជីវិត
មនុស្សចំនួន៤នាក់នៅក្នុងទីក្រុង Da Nang ប្រទេសវៀតណាម ត្រូវបាត់បង់ជីវិត ដោយសារទឹកជំនន់ដែលបានលិចផ្ទះនៅក្នុងទីក្រុងនេះទាំងមូល ចាប់តាំងពីយប់ថ្ងៃសុក្រមក និងបណ្តាលឲ្យដាច់ចរន្តអគ្គិសនីដល់គ្រួសារជាង ២០០ ០០០គ្រួសារ។
លោក Phan Van Dung អនុប្រធាននាយកដ្ឋាននគរបាលក្រុង បាននិយាយកាលពីថ្ងៃសៅរ៍ទី១៥ខែតុលាថា ជនរងគ្រោះទាំង៤នាក់ គឺមានសិស្សសាលាម្នាក់ដែលលង់ទឹកស្លាប់នៅផ្លូវ Me Suot ក្នុងស្រុក Lien Chieu, បុរសអាយុ៥៨ឆ្នាំម្នាក់លង់ទឹកស្លាប់ពេលទៅនេសាទ, ស្ត្រីម្នាក់លង់ទឹកស្លាប់នៅផ្ទះរបស់នាង លើផ្លូវ Trung Nu Vuong ក្នុងស្រុក Hai Chau និងមន្ត្រីនគរបាលម្នាក់ ដែលស្លាប់ដោយសារគ្រោះថ្នាក់ចរាចរណ៍។
ឥទ្ធិពលនៃព្យុះ Son Ca បានវាយប្រហារធ្ងន់ធ្ងរបំផុតនៅទីក្រុង Da Nang ជាមួយនឹងកម្រិតភ្លៀងធ្លាក់ខ្លាំងចាប់ពីម៉ោង ៧យប់ថ្ងៃសុក្រ ដល់ម៉ោង៦ព្រឹកថ្ងៃសៅរ៍។ ស្រុកចំនួនប្រាំពីររបស់ទីក្រុង ត្រូវទឹកជន់លិចក្នុងជម្រៅរហូតដល់ទៅ១.៥ម៉ែត្រ។
ស្ថានីយអគ្គិសនីចំនួន ២២៥៤ កន្លែងក្នុងទីក្រុងនេះ បានបាត់បង់ថាមពល ដែលធ្វើឲ្យប៉ះពាល់ដល់ប្រជាពលរដ្ឋជាង ២០០ ០០០គ្រួសារ។ យ៉ាងណាក្តី ប្រជាពលរដ្ឋប្រហែល ៧១ ០០០គ្រួសារ មានអគ្គិសនីប្រើប្រាស់វិញ ខណៈគ្រួសារនៅសេសសល់ ភាគច្រើនក្នុងស្រុក Son Tra, Hai Chau, Thanh Khe និង Hoa Vang នៅតែជួបប្រទះការដាច់ចរន្តអគ្គិសនី។
រហូតមកដល់ថ្ងៃអាទិត្យនេះ ទីក្រុង Da Nang ត្រូវបានគេព្យាករថា នឹងបន្តមានភ្លៀងធ្លាក់ក្នុងកម្រិតពី ៨០ ទៅ ២២០ មិល្លីម៉ែត្រ។ ទឹកទន្លេ Vu Gia និងទន្លេផ្សេងទៀតនៅក្នុងតំបន់នេះ នឹងហក់ឡើងខ្ពស់ ហើយហានិភ័យគ្រោះទឹកជំនន់ និងការបាក់ដី នឹងមានកម្រិតខ្ពស់នៅក្នុងតំបន់ដែលងាយរងគ្រោះ៕
ប្រែសម្រួល៖ Vann Vann
ប្រភព៖ VN Express
ចុចអាន៖ វៀតណាម ជួបព្យុះមួយទៀត ខណៈថៃ ក៏រងឥទ្ធិពល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង