ព័ត៌មានអន្ដរជាតិ
រុស្ស៊ី បញ្ជូនឥន្ធនៈនុយក្លេអ៊ែរទៅប្រទេសមួយនៅអាស៊ី
នាយកប្រតិបត្តិនៃសាជីវកម្មនុយក្លេអ៊ែររដ្ឋរុស្ស៊ីលោក Aleksey Likhachev បាននិយាយកាលពីពេលថ្មីៗនេះថា ក្រុមហ៊ុន Rosatom នឹងផ្គត់ផ្គង់ឥន្ធនៈនុយក្លេអ៊ែរថ្មីដល់រោងចក្រថាមពលនុយក្លេអ៊ែរ Rooppur (RNPP) ដែលកំពុងដំណើរការសាងសង់ក្នុងប្រទេសបង់ក្លាដែសនៅខែតុលានេះ ។
នាយកប្រតិបត្តិក្រុមហ៊ុន Rosatom រូបនេះបានប្រាប់នាយករដ្ឋមន្ត្រីបង់ក្លាដែសលោកស្រី Sheikh Hasina ថា “យើងកំពុងខិតទៅជិតការសម្ពោធរោងចក្រថាមពលនុយក្លេអ៊ែរ ដោយមានការចូលរួមពីអគ្គនាយកទីភ្នាក់ងារថាមពលបរមាណូអន្តរជាតិ (IAEA) និងអ្នកផ្សេងទៀត ដែលប្រជាជនបង់ក្លាដែសកំពុងរង់ចាំយ៉ាងអន្ទះសារ” ។
ទន្ទឹមនោះ លោក Likhachev ក៏បានធានាដល់នាយករដ្ឋមន្ត្រីបង់ក្លាដែសផងដែរ អំពីម៉ាស៊ីនរ៉េអាក់ទ័រនុយក្លេអ៊ែរដែលមានថាមពលខ្ពស់របស់រោងចក្រថា នឹងជួយក្នុងការបង្កើតថាមពលអគ្គិសនីបានយ៉ាងល្អបំផុតនៅក្នុងប្រទេសនេះ ។
លោក Likhachev បាននិយាយថា “បច្ចុប្បន្នការសាងសង់រោងចក្រថាមពលនុយក្លេអ៊ែរដំបូងគេនៅក្នុងប្រទេសបង់ក្លាដែស កំពុងដំណើរការយ៉ាងសកម្ម ទោះបីជាមានឧបសគ្គពីជំងឺរាតត្បាតកូវីដ ១៩ កើតឡើងសម្រាប់ពួកយើងក៏ដោយ” ។
ស្របពេលជាមួយគ្នានេះ ក្រុមហ៊ុនដែលគ្រប់គ្រងដោយរដ្ឋាភិបាលរុស្ស៊ីមួយនេះ ក៏បានបើកមជ្ឈមណ្ឌលទំនើបមួយដើម្បីបណ្តុះបណ្តាលបុគ្គលិកប្រតិបត្តិការសម្រាប់រោងចក្រថាមពលនុយក្លេអ៊ែរដែលមានតម្លៃ ១២.៦ ពាន់លានដុល្លារផងដែរ ។
គួរបញ្ជាក់ថា រោងចក្រនុយក្លេអ៊ែរ RNPP ដែលមានមូលដ្ឋានលើរ៉េអាក់ទ័រជំនាន់ទី ៣ បូកមួយនេះ មានសមត្ថភាពផលិតថាមពល ២,៤០០ មេហ្គាវ៉ាត់ ហើយវានឹងដើរតួយ៉ាងសំខាន់ក្នុងការបំពេញតម្រូវការដែលកំពុងកើនឡើងនៅក្នុងប្រទេសដែលកំពុងខ្វះខាតថាមពលមួយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង