លោក Zelensky ស្តីបន្ទោសមេបញ្ជាការរុស្ស៊ី ថា កំពុងរុញកងទ័ពទៅស្លាប់ (មានវីដេអូ)

ប្រធានាធិបតីអ៊ុយក្រែនលោក Volodymyr Zelensky បាននិយាយកាលពីថ្ងៃព្រហស្បតិ៍ទី២៧ខែតុលាថា មេបញ្ជាការរបស់លោក វ្ល៉ាឌីមៀរ ពូទីន កំពុងរុញកងទ័ពទៅស្លាប់ ដោយសារតែការបញ្ជាឲ្យពួកគេវាយប្រហារម្តងហើយម្តងទៀត លើទីក្រុងដែលមានកំពែងរឹងមាំនៅភាគខាងកើតប្រទេសអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយហៅយុទ្ធសាស្ត្រដាក់ពង្រាយរបស់មេទ័ពរុស្ស៊ីថាជា “យុទ្ធសាស្រ្តឆ្កួតលីលា”, លោក Zelensky និយាយថា កងទ័ពអ៊ុយក្រែន កំពុងស្ថិតក្រោមការវាយប្រហារម្តងហើយម្តងទៀតនៅជិតទីក្រុងសំខាន់ៗចំនួនពីរក្នុងតំបន់ Donbas ភាគខាងកើត ហើយកំពុងប្រយុទ្ធដោយ វីរភាព។

ក្នុងការថ្លែងសុន្ទរថាជាវីដេអូពេលល្ងាចទៅកាន់ជនរួមជាតិ លោក Zelensky បាននិយាយថា ឆាប់ៗនេះនឹងមានដំណឹងល្អពីសមរភូមិជួរមុខ ប៉ុន្តែមិនបានផ្តល់ព័ត៌មានលម្អិតទេ។

យ៉ាងណាក្តី មានដំណឹងថា អ៊ុយក្រែនកំពុងស្ថិតក្នុងដំណើរការ នៃការវាយលុកដ៏សំខាន់មួយផ្សេងទៀតប្រឆាំងនឹងកងទ័ពរុស្ស៊ី។ ប៉ុន្តែការប្រយុទ្ធគ្នាដ៏ធ្ងន់ធ្ងរបំផុត កំពុងកើតឡើងនៅជិតទីក្រុង Avdiivka នៅខាងក្រៅតំបន់ Donetsk និងនៅទីក្រុង Bakhmut នាភាគឦសាន។

យោងតាមលោក Zelensky, “ពីមួយថ្ងៃទៅមួយថ្ងៃ អស់រយៈពេលជាច្រើនខែមកហើយ មេបញ្ជាការកំពុងជំរុញមនុស្សឲ្យស្លាប់នៅទីនោះ។ ទាហានរបស់យើងទាំងអស់ដែលកំពុងការពារទីតាំងរបស់ពួកគេនៅក្នុងតំបន់ទាំងនោះ គឺជាវីរបុរស”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពូទីន បញ្ជាក់ថា អាវុធ ដែលលោកខាងលិច ផ្តល់ ទៅឲ្យ អ៊ុយក្រែន បានធ្លាយដល់ ទីផ្សារ ងងឹត