ព័ត៌មានអន្ដរជាតិ
វៀតណាម បណ្ដេញឧបនាយករដ្ឋមន្ត្រី ចេញពីការិយាល័យនយោបាយបក្សកុម្មុយនិស្ត
គណបក្សកុម្មុយនិស្តវៀតណាមកាលពីថ្ងៃសុក្រ បានបណ្ដេញឧបនាយករដ្ឋមន្ត្រីលោក Pham Binh Minh ដែលទទួលបន្ទុកកិច្ចការគោលនយោបាយការបរទេស ចេញពីការិយាល័យនយោបាយនៃគណៈកម្មាធិការមជ្ឈិមបក្សរបស់ខ្លួន ចំពេលមានការបង្ក្រាបជាបន្តបន្ទាប់លើរឿងអាស្រូវពុករលួយទាក់ទងនឹងជំងឺកូវីដ ១៩ ។
លោក Pham Binh Minh ជាអ្នកទទួលខុសត្រូវចំពោះរឿងអាស្រូវពុករលួយដែលទាក់ទងនឹងជើងហោះហើរនៃការធ្វើមាតុភូមិនិវត្តន៍របស់ពលរដ្ឋវៀតណាមជាច្រើននាក់ ដែលរស់នៅក្រៅប្រទេស អំឡុងពេលការឆ្លងរាតត្បាតខ្លាំងនៃជំងឺកូវីដ ១៩ ក្នុងឆ្នាំ ២០២០ ។ មន្ត្រីរូបនេះត្រូវបានចោទប្រកាន់ថា ទទួលសំណូកពីអ្នកដំណើរមួយចំនួនក្នុងការឡើងជើងហោះហើរមកប្រទេសវៀតណាមវិញ ។
ប្រព័ន្ធផ្សព្វផ្សាយរដ្ឋវៀតណាមបានរាយការណ៍ថា នៅថ្ងៃដដែលនោះ គណៈកម្មាធិការមជ្ឈិមបក្ស ក៏បានបោះឆ្នោតដកសមាជិកភាពឧបនាយករដ្ឋមន្ត្រីលោក Vu Duc Dam ផងដែរ ខណៈមូលហេតុពិតប្រាកដមិនទាន់ត្រូវបានបញ្ជាក់នៅឡើយទេ ។
គួរបញ្ជាក់ថា លោក Pham Binh Minh វ័យ ៦៣ ឆ្នាំគឺជាអ្នកការទូតជើងចាស់មួយរូប ដែលបានចូលបម្រើការនៅក្រសួងការបរទេសវៀតណាមក្នុងឆ្នាំ ១៩៨១ ។ បន្ទាប់មកគាត់បានកាន់តំណែងជាច្រើនក្នុងវិស័យការទូត មុនពេលក្លាយជាអនុរដ្ឋមន្ត្រីការបរទេសនៅឆ្នាំ ២០០៧ និងជារដ្ឋមន្ត្រីការបរទេសនៅឆ្នាំ ២០១១ ។ ក្រោយលោក Minh បានក្លាយជាឧបនាយករដ្ឋមន្ត្រីនៅក្នុងឆ្នាំ ២០១៣ ជាមុខតំណែងដែលលលោកបានកាន់អស់រយៈពេល ៩ ឆ្នាំចុងក្រោយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ