ព័ត៌មានអន្ដរជាតិ
រុស្ស៊ី ថា ទោះជម្លោះនៅ អ៊ុយក្រែន ចប់ក៏ដោយ តែលោកខាងលិចមិនបញ្ឈប់សង្គ្រាមប្រូកស៊ីប្រឆាំងខ្លួនឡើយ
លេខាធិការក្រុមប្រឹក្សាសន្តិសុខរុស្ស៊ី លោក Nikolay Patrushev បាននិយាយថា សហរដ្ឋអាមេរិក និងអង្គការណាតូ បានក្លាយជាភាគីនៃជម្លោះនៅអ៊ុយក្រែនរួចទៅហើយ ដូច្នេះបើទោះបីជាជម្លោះមួយនេះបញ្ចប់ក៏ដោយ ក៏ពួកគេមិនបញ្ឈប់សង្គ្រាមប្រូកស៊ីប្រឆាំងនឹងរុស្ស៊ីដែរ ។
លោកបាននិយាយនៅក្នុងសន្និសិទស្តីពីការបណ្តុះបណ្តាលវិស្វករសម្រាប់ឧស្សាហកម្មផលិតកប៉ាល់ និងកងទ័ពជើងទឹកថា “វឌ្ឍនភាពក្នុងប្រតិបត្តិការសឹកនៅអ៊ុយក្រែនបង្ហាញថា សហរដ្ឋអាមេរិក និងណាតូមានបំណងបន្តកិច្ចខិតខំប្រឹងប្រែងដើម្បីអូសបន្លាយជម្លោះយោធាឲ្យកាន់តែយូរ ដោយសារតែពួកគេបានក្លាយជាអ្នកចូលរួមរួចក្នុងជម្លោះនេះរួចទៅហើយ” ។
លោក Patrushev បានប្រាប់ឲ្យមនុស្សគ្រប់គ្នាដឹងថា “ទោះបីជាជម្លោះនៅអ៊ុយក្រែនឈានដល់ដំណាក់កាលបញ្ចប់ក៏ដោយ ក៏ពិភពលោកខាងលិចនឹងមិនបញ្ឈប់សង្គ្រាមប្រូកស៊ីរបស់ពួកគេប្រឆាំងរុស្ស៊ី និងសម្ព័ន្ធមិត្តរបស់ខ្លួនឡើយ ។
លោកប្រាកដណាស់ថា ព្រឹត្តិការណ៍នៅអ៊ុយក្រែន ប្រាកដណាស់ថា ជាលទ្ធផលនៃការត្រៀមខ្លួនជាច្រើនឆ្នាំមកហើយរបស់អាមេរិកសម្រាប់សង្រ្គាមកូនកាត់ប្រឆាំងនឹងរុស្ស៊ី ជាពិសេសគឺអាមេរិកប៉ុនប៉ងធ្វើយ៉ាងណាដើម្បីទប់ស្កាត់ការកើតឡើងនៃពិភពលោកពហុប៉ូល” ។
គួរបញ្ជាក់ថា សង្គ្រាមលុកលុយរបស់រុស្ស៊ីលើអ៊ុយក្រែនដែលលោក វ្ល៉ាឌីមៀរ ពូទីន ចាត់ទុកជាប្រតិបត្តិការយោធាពិសេសបានអូសបន្លាយពេលជិត ១ ឆ្នាំមកហើយ បន្ទាប់ពីផ្ទុះការវាយលុកកាលពីថ្ងៃទី២៤ ខែកុម្ភៈ ឆ្នាំ២០២២ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ វិមានក្រឹមឡាំងថា លោក Zelensky ឈប់ធ្វើជាដៃគូសន្ទនាជាមួយលោក Putin យូរហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង