ព័ត៌មានអន្ដរជាតិ
ប៉ូឡូញ នឹងសាងសង់របងអគ្គិសនីជំនួសបន្លាលួសតាមព្រំដែនជាមួយ រុស្ស៊ី
បើតាមអ្នកនាំពាក្យរបស់ឆ្មាំព្រំដែនប៉ូឡូញលោកស្រី Anna Michalska បាននិយាយកាលពីថ្ងៃអាទិត្យថា រដ្ឋាភិបាលប្រទេសប៉ូឡូញ នឹងចាប់ផ្តើមសាងសង់របងអគ្គិសនីនៅតាមព្រំដែនជាមួយតំបន់ Kaliningrad របស់រុស្ស៊ីក្នុងខែមីនាខាងមុខ ។
បច្ចុប្បន្នយោធាប៉ូឡូញកំពុងសាងសង់របងបន្លាលួសនៅតាមព្រំដែនជាមួយតំបន់ Kaliningrad ខណៈកិច្ចសន្យាសាងសង់របងអគ្គិសនីនៅតាមព្រំដែនប៉ូឡូញ-រុស្ស៊ី ដែលអាជ្ញាធរប៉ូឡូញបានចុះហត្ថលេខាក្នុងទំហំទឹកប្រាក់ ៨៤ លានដុល្លារ ទើបតែកើតឡើងកាលពីឆ្នាំ ២០២២ ប៉ុណ្ណោះ ។
លោកស្រី Michalska បាននិយាយថា “ការសាងសង់របងអគ្គិសនីនៅព្រំដែនជាមួយតំបន់ Kaliningrad គួរតែចាប់ផ្តើមនៅក្នុងខែមីនា ខណៈប្រព័ន្ធអគ្គិសនីនៅជិតតំបន់ Kaliningrad នឹងដំណើរការតាមតំបន់ព្រំដែនដីគោកប្រមាណ ២០០ គីឡូម៉ែត្រ” ។
អ្នកនាំពាក្យរូបនេះបានបន្ថែមទៀតថា របងនេះនឹងជាប្រព័ន្ធឧបករណ៍ចាប់សញ្ញាបំពាក់ដោយកាមេរ៉ា ដែលអាចឲ្យឆ្មាំគ្រប់គ្រងស្ថានការណ៍នៅតាមព្រំដែនជាប្រចាំ ដោយមិនគិតពីលក្ខខណ្ឌអាកាសធាតុអ្វីឡើយ ។
កាលពីឆ្នាំមុន មន្ត្រីប៉ូឡូញបាននិយាយថា ប្រទេសនេះកំពុងសាងសង់របងនៅជិតតំបន់ Kaliningrad ដើម្បីការពារវិបត្តិជនចំណាកស្រុក ពោលស្រដៀងគ្នាទៅនឹងអ្វីដែលបានកើតឡើង នៅតាមព្រំដែនជាមួយប្រទេសបេឡារុសក្នុងឆ្នាំ ២០២១ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ត្រាំ នឹងផលិតខែលការពារមីស៊ីលល្បឿនលឿនជាងសំឡេងថ្មីសម្រាប់ អាមេរិក បើលោកជាប់ឆ្នោត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង