ព័ត៌មានអន្ដរជាតិ
រុស្ស៊ី ជួយ មីយ៉ាន់ម៉ា បើកកន្លែងសិក្សាអប់រំថ្នាក់ថាមពលនុយក្លេអ៊ែរ
ប្រទេសមីយ៉ាន់ម៉ាបានបើកមជ្ឈមណ្ឌលសិក្សាអប់រំថ្នាក់ថាមពលនុយក្លេអ៊ែរលើកដំបូងរបស់ខ្លួន ដោយមានជំនួយពីរុស្ស៊ី ចាប់តាំងពីរដ្ឋប្រហារយោធាកាលពី ២ ឆ្នាំមុនមក ខណៈទំនាក់ទំនងទាំងនេះត្រូវបានគេរំពឹងថា នឹងកាន់តែស៊ីជម្រៅតាមរយៈកិច្ចសហប្រតិបត្តិការក្នុងវិស័យថាមពលមួយនេះ ។
ប្រព័ន្ធផ្សព្វផ្សាយរដ្ឋរបស់ប្រទេសមីយ៉ាន់ម៉ាបាននិយាយថា មជ្ឈមណ្ឌលព័ត៌មានបច្ចេកវិទ្យានុយក្លេអ៊ែរត្រូវបានបញ្ចប់ការសាងសង់ជាផ្លូវការនៅទីក្រុងយ៉ាំងហ្គោន ខណៈក្នុងពិធីបើកសម្ពោធនោះដែរ ក៏មានការចូលរួមពីសំណាក់លោកឧត្តមសេនីយ៍ Min Aung Hlaing រួមជាមួយនឹងលោក Alexey Likhachev អគ្គនាយកក្រុមហ៊ុនថាមពលនុយក្លេអ៊ែរ Rosatom ដែលគ្រប់គ្រងដោយរដ្ឋរបស់រុស្ស៊ី ។
មជ្ឈមណ្ឌលនេះត្រូវបានបង្កើតឡើងដោយផ្អែកលើអនុស្សរណៈនៃការយោគយល់គ្នា (MOU) ដែលបានចុះហត្ថលេខានៅឯវេទិកាសេដ្ឋកិច្ចបូព៌ាក្នុងទីក្រុង Vladivostok ប្រទេសរុស្ស៊ីកាលពីឆ្នាំមុន ខណៈមជ្ឈមណ្ឌលនេះ នឹងបម្រើសម្រាប់ការសិក្សាអប់រំដើម្បីស្វែងយល់ឲ្យកាន់តែស៊ីជម្រៅអំពីថាមពលនុយក្លេអ៊ែរ ។
ប្រព័ន្ធផ្សព្វផ្សាយរដ្ឋបានរាយការណ៍ទៀតថា មីយ៉ាន់ម៉ាគ្រោងនឹងសាងសង់រ៉េអាក់ទ័រស្រាវជ្រាវតូចមួយសម្រាប់ការអភិវឌ្ឍធនធានមនុស្ស ហើយប្រទេសនេះក៏មានគោលបំណងប្រើប្រាស់ថាមពលនុយក្លេអ៊ែរក្នុងវិស័យជាច្រើនផងដែរដូចជា ការស្រាវជ្រាវវិទ្យសាស្រ្ត ការផលិតថ្នាំពេទ្យ ស្បៀងអាហារ រួមទាំងការផលិតថាមពលនុយក្លេអ៊ែរផងដែរ ខណៈរុស្ស៊ីត្រូវបានគេរំពឹងថា នឹងផ្តល់ការគាំទ្រផ្នែកបច្ចេកទេសទាំងនោះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ រញ្ជួយដីនៅ តួកគី, អ៊ុយក្រែន ផ្ដល់ជំនួយក្នុងការរុករក ខណៈ រុស្ស៊ី ចូលរួមរំលែកទុក្ខ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក