ព័ត៌មានអន្ដរជាតិ

រុស្ស៊ី ជួយ មីយ៉ាន់ម៉ា បើកកន្លែងសិក្សាអប់រំថ្នាក់ថាមពលនុយក្លេអ៊ែរ

បានផុស

១ year មុន

នៅ

ថ្ងៃពុធ ៨ កុម្ភៈ ២០២៣

ដោយ

ប្រទេសមីយ៉ាន់ម៉ាបានបើកមជ្ឈមណ្ឌលសិក្សាអប់រំថ្នាក់ថាមពលនុយក្លេអ៊ែរលើកដំបូងរបស់ខ្លួន ដោយមានជំនួយពីរុស្ស៊ី ចាប់តាំងពីរដ្ឋប្រហារយោធាកាលពី ២ ឆ្នាំមុនមក ខណៈទំនាក់ទំនងទាំងនេះត្រូវបានគេរំពឹងថា នឹងកាន់តែស៊ីជម្រៅតាមរយៈកិច្ចសហប្រតិបត្តិការក្នុងវិស័យថាមពលមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយរដ្ឋរបស់ប្រទេសមីយ៉ាន់ម៉ាបាននិយាយថា មជ្ឈមណ្ឌលព័ត៌មានបច្ចេកវិទ្យានុយក្លេអ៊ែរត្រូវបានបញ្ចប់ការសាងសង់ជាផ្លូវការនៅទីក្រុងយ៉ាំងហ្គោន ខណៈក្នុងពិធីបើកសម្ពោធនោះដែរ ក៏មានការចូលរួមពីសំណាក់លោកឧត្តមសេនីយ៍ Min Aung Hlaing រួមជាមួយនឹងលោក Alexey Likhachev អគ្គនាយកក្រុមហ៊ុនថាមពលនុយក្លេអ៊ែរ Rosatom ដែលគ្រប់គ្រងដោយរដ្ឋរបស់រុស្ស៊ី ។

មជ្ឈមណ្ឌលនេះត្រូវបានបង្កើតឡើងដោយផ្អែកលើអនុស្សរណៈនៃការយោគយល់គ្នា (MOU) ដែលបានចុះហត្ថលេខានៅឯវេទិកាសេដ្ឋកិច្ចបូព៌ាក្នុងទីក្រុង Vladivostok ប្រទេសរុស្ស៊ីកាលពីឆ្នាំមុន ខណៈមជ្ឈមណ្ឌលនេះ នឹងបម្រើសម្រាប់ការសិក្សាអប់រំដើម្បីស្វែងយល់ឲ្យកាន់តែស៊ីជម្រៅអំពីថាមពលនុយក្លេអ៊ែរ ។

ប្រព័ន្ធផ្សព្វផ្សាយរដ្ឋបានរាយការណ៍ទៀតថា មីយ៉ាន់ម៉ាគ្រោងនឹងសាងសង់រ៉េអាក់ទ័រស្រាវជ្រាវតូចមួយសម្រាប់ការអភិវឌ្ឍធនធានមនុស្ស ហើយប្រទេសនេះក៏មានគោលបំណងប្រើប្រាស់ថាមពលនុយក្លេអ៊ែរក្នុងវិស័យជាច្រើនផងដែរដូចជា ការស្រាវជ្រាវវិទ្យសាស្រ្ត ការផលិតថ្នាំពេទ្យ ស្បៀងអាហារ រួមទាំងការផលិតថាមពលនុយក្លេអ៊ែរផងដែរ ខណៈរុស្ស៊ីត្រូវបានគេរំពឹងថា នឹងផ្តល់ការគាំទ្រផ្នែកបច្ចេកទេសទាំងនោះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រញ្ជួយដីនៅ តួកគី, អ៊ុយក្រែន ផ្ដល់ជំនួយក្នុងការរុករក ខណៈ រុស្ស៊ី ចូលរួមរំលែកទុក្ខ