Connect with us

ព័ត៌មានអន្ដរជាតិ

អគ្គិភ័យឆាបឆេះអគារប៉ូលិសនៅ ថៃ យ៉ាងសន្ធោសន្ធៅ ជាទីតាំងផ្ទុកឯកសាររដ្ឋផ្លូវការរាប់ពាន់

បានផុស

នៅ

អគារប៉ូលិសនៅក្រុងបាងកក ដែលផ្ទុកឯកសាររដ្ឋផ្លូវការរាប់ពាន់ត្រូវបំផ្លាញដោយភ្លើងឆាបឆេះយ៉ាង​សន្ធោសន្ធៅ​ នៅព្រឹក​ព្រលឹមនេះ ​ខណៈក្រុមអ្នកពន្លត់អគ្គិភ័យប្រហែល៥០ នាក់ បានចុះទៅផ្នែកទី៥នៃការិយាល័យស៊ើបអង្កេតកណ្តាល (CIB) នៅលើផ្លូវ Sathorn ដើម្បី​ពន្លត់​ភ្លើង ​ហើយជាសំណាង​ល្អ​ មិន​មាន​អ្នក​រង​គ្រោះ​នោះ​ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពី Bangkok Post អគ្គិភ័យបានចាប់ផ្តើមនៅម៉ោងប្រហែល ៤ ទៀបភ្លឺ ហើយបានរាលដាលយ៉ាងលឿនពេញអគារជាន់ទី៣។ អគ្គិភ័យបានឆាបឆេះខ្លាំង បណ្ដាលឲ្យមានការផ្ទុះអាវុធនៅខាង។ ស្របពេលដែលក្រុមអ្នកពន្លត់អគ្គិភ័យប្រយុទ្ធនឹងអណ្តាតភ្លើងអស់រយៈពេលជាងមួយម៉ោង មុនពេលដែលអាចគ្រប់គ្រងអណ្តាតភ្លើងបាន។ ទោះបីជាមិនមាននរណាម្នាក់នៅខាងក្នុងអគាររងគ្រោះ ក៏រថយន្តជាច្រើនដែលចតនៅក្បែរនោះបានរងការខូចខាតយ៉ាងដំណំ។

ពេលដឹងហេតុការណ៍នេះ អភិបាលក្រុងបាងកក លោក Chadchart Sittipunt បានចុះទៅដល់កន្លែងកើតហេតុភ្លាមៗ។ លោក​បាន​បង្ហើប​ថា មន្ត្រី​ប៉ូលិស​ម្នាក់​ដែល​យាម​អគារ​បាន​ឮ​សំឡេង​ខ្លាំង​ស្រដៀង​នឹង​ចរន្ត​អគ្គិសនី​ឆ្លង​កាត់​ពី​ជាន់​ទី​មួយ​នៃ​អគារ។ ពេល​ចុះ​ត្រួតពិនិត្យ​សមត្ថកិច្ច​បាន​រក​ឃើញ​ថា​មាន​គំនរ​ឯកសារ​បាន​ឆាបឆេះទៅហើយ។

ដោយឡែក លោកឧត្តមសេនីយ៍ទោ Thiti Saengsawan ស្នងការនៃស្នងការដ្ឋាននគរបាលរាជធានី​​ បានប្រាប់ឲ្យដឹងថា អគ្គិភ័យនេះផ្តើមចេញពីជាន់ទី១នៃអគារ ហើយរាលដាលយ៉ាងលឿនដល់ជាន់ទី២ និងទី៣ បណ្តាលឲ្យខូចខាតយ៉ាងដំណំ។ អគ្គិភ័យ​ឆាបឆេះ​យ៉ាង​សន្ធោសន្ធៅ បណ្តាល​ឲ្យ​រលំ​ដំបូល​អគារ ហើយ​អគារ​ទាំងមូល​រង​ការ​ខូចខាត​យ៉ាង​ធ្ងន់ធ្ងរ​។

លោក​បន្ថែមទៀត​ថា អគារ​នេះ​បាន​រក្សា​ទុក​ឯកសារ​ផ្លូវការ ហើយ​មន្ត្រី​នឹង​ពិនិត្យ​មើល​ថា​តើ​ឯកសារ​នៃ​សំណុំរឿង​សំខាន់ៗ​ត្រូវ​បាន​រក្សា​ទុក​នៅ​ទីនោះ​ដែរ​ឬ​ទេ។ ការបំផ្លិចបំផ្លាញអគារនេះ និងការបាត់បង់ឯកសារសំខាន់ៗរបស់ប៉ូលិស គឺជាការវាយប្រហារ​យ៉ាងធ្ងន់ធ្ងរ​ដល់​មេ​ប៉ូលិស និងអ្នកនយោបាយនៅទី​ក្រុងបាងកក។ បច្ចុប្បន្ន​ការ​ស៊ើបអង្កេត​កំពុង​ដំណើរការ​ដើម្បី​កំណត់​ពី​មូលហេតុ​នៃ​ការ​ឆេះ និង​វាយតម្លៃ​ពី​ទំហំ​នៃ​ការ​ខូចខាត​៕

ប្រែសម្រួល៖ សាង ស្រីល័ក្ខ

ប្រភព៖thethaiger

ចុចអាន៖ថៃ ព្រមានថា នំឆាខ្វៃជាមួយតែទឹកដោះគោពេលព្រឹក ជាអាហារគ្រោះថ្នាក់ខ្លាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

មន្ត្រីជាន់ខ្ពស់ការងារ ៖ ការអនុវត្តរបបសន្តិសុខសង្គមផ្នែកថែទាំសុខភាព​ដោយស្ម័គ្រចិត្ត ជួយរក្សាលំនឹងប្រាក់ចំណូលក្នុងគ្រួសារកាន់តែប្រសើរ

ព័ត៌មានអន្ដរជាតិ៦ ម៉ោង មុន

រៀបការរួចមិនប៉ុន្មានថ្ងៃ បុរស​ ឥណ្ឌូណេស៊ី​ ម្នាក់ទើបដឹងថា ប្រពន្ធ​គឺជាប្រុសតែងកាយស្រី

ព័ត៌មានជាតិ៦ ម៉ោង មុន

លោក នេត្រ ភក្ត្រា ៖ ស្នាមញញឹមកុមារជាស្នាមញញឹមមាតាបិតា និងថ្នាក់ដឹកនាំគ្រប់លំដាប់ថ្នាក់

ព័ត៌មានជាតិ៦ ម៉ោង មុន

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជំរុញទឹកចិត្តប្រជាពលរដ្ឋទាំងអស់ ឱ្យចូលរួមចលនា ខ្មែរជួយខ្មែរ និងខ្មែរគាំទ្រកសិផលខ្មែរ

ព័ត៌មានអន្ដរជាតិ៧ ម៉ោង មុន

Pre-Wedding លើកទី២លើនាវាប្រណិតរបស់កូនសេដ្ឋី ឥណ្ឌា អាចចាយប្រាក់សុទ្ធ ១៤៤ លានដុល្លារ

Sokha Hotels

ព័ត៌មានពេញនិយម