ព័ត៌មានអន្ដរជាតិ
ថៃ គ្រោងអនុញ្ញាតឲ្យប្រើប្រាស់វ៉ាក់សាំងកូវីដរបស់ Oxford-AstraZeneca ជាបន្ទាន់នៅសប្តាហ៍នេះ
រដ្ឋបាលចំណីអាហារនិងឱសថថៃ (FDA) ត្រូវបានគេរំពឹងថានឹងអនុម័តវ៉ាក់សាំងកូវីដ Oxford-AstraZeneca នៅសប្តាហ៍នេះសម្រាប់ការប្រើប្រាស់ជាបន្ទាន់ក្នុងប្រទេស។
លោកវេជ្ជបណ្ឌិត Opas Karnkawinpong អគ្គនាយកនៃនាយកដ្ឋានគ្រប់គ្រងជំងឺ (DCD) របស់ក្រសួងសុខាភិបាល បាននិយាយកាលពីថ្ងៃចន្ទថា FDA កំពុងពិនិត្យមើលឯកសារដែលបានដាក់ជូន ដើម្បីបញ្ជាក់ពីប្រសិទ្ធភាពនិងសុវត្ថិភាពនៃវ៉ាក់សាំងកូវីដ។
ចំណែកលោកវេជ្ជបណ្ឌិត Surachoke Tangwiwat អគ្គលេខាធិការរង FDA បានបញ្ជាក់ថា វាគឺជាវ៉ាក់សាំងដែលផលិតដោយសកលវិទ្យាល័យ Oxford និងក្រុមហ៊ុនឱសថពហុជីវសាស្ត្រអង់គ្លេស-ស៊ុយអ៊ែត AstraZeneca។
លោកបាននិយាយថា ឯកសារដែលបានដាក់ជូននេះ មានព័ត៌មានលម្អិតទាំងគុណភាពនិងដំណើរការផលិតវ៉ាក់សាំង ហើយនេះនឹងជួយពន្លឿននៃដំណើរការចុះបញ្ជីរបស់ខ្លួន។
លោកវេជ្ជបណ្ឌិត Opas បានបញ្ជាក់ថា ក្រសួងទំនងជានឹងចាប់ផ្តើមការចាក់ថ្នាំបង្ការជំងឺកូវីដ១៩របស់ខ្លួនដោយប្រើវ៉ាក់សាំង AstraZeneca នៅខែក្រោយ។
លោកបន្តថា នីតិវិធីរបស់ក្រសួងគឺត្រូវតាមដានលើមនុស្សដែលចាក់វ៉ាក់សាំងកូវីដរួច យ៉ាងហោចណាស់៤សប្តាហ៍ក្រោយពេលចាក់ ដែលក្នុងអំឡុងពេលនោះ ប្រតិកម្មអាឡ័កស៊ីឬផលវិបាកនានាអាចត្រូវបានកត់ត្រានិងស៊ើបអង្កេតយ៉ាងហ្មត់ចត់។
ស្របពេលជាមួយគ្នានោះ លោកវេជ្ជបណ្ឌិត Opas បានឆ្លើយតបទៅនឹងការព្រួយបារម្ភដែលបានលើកឡើងអំពីការស្លាប់របស់មនុស្សវ័យចំណាស់មួយចំនួន ក្រោយចាក់វ៉ាក់សាំង Pfizer-BioNTech នៅប្រទេសន័រវេស។
លោកនិយាយថា ប្រសិនបើនរណាម្នាក់ស្លាប់បន្ទាប់ពីចាក់វ៉ាក់សាំងកូវីដ ការស្លាប់នោះនឹងត្រូវបានស៊ើបអង្កេតភ្លាមៗដើម្បីកំណត់ថា តើវាទាក់ទងនឹងវ៉ាក់សាំងដែរឬក៏អត់។
គួរបញ្ជាក់ថា វ៉ាក់សាំងដំបូងនឹងត្រូវចាក់លើក្រុមដែលមានហានិភ័យនៅក្នុងខេត្តចំនួនប្រាំ ដែលត្រូវបានកំណត់ថាជាតំបន់គ្រប់គ្រងជំងឺកូវីដ១៩អតិបរមានិងតឹងរ៉ឹង៕
ប្រែសម្រួលដោយ៖ Vann Vann
ប្រភព៖ Bangkok Post
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ