ព័ត៌មានអន្ដរជាតិ

ផ្ទុះការបាញ់ប្រហារនៅថៃសម្លាប់មនុស្ស៣នាក់ និងបង្ករបួស និងការបិទសាលារៀន

បានផុស

១៧ វិនាទី មុន

នៅ

ថ្ងៃសុក្រ ៣០ ឧសភា ២០២៥

ដោយ

នៅព្រឹកថ្ងៃទី៣០ ខែឧសភា មានហេតុការណ៍បាញ់ប្រហារដ៏សាហាវមួយនៅជិត សាលា Wat Yang Sawang Arom ស្រុក Uthong ខេត្ត Suphan Buri ប្រទេសថៃបានជំរុញឲ្យមានការឆ្លើយតបជាបន្ទាន់ និងការជម្លៀសសិស្សសាលាចេញ។ នេះបើយោងតាមការចេញផ្សាយរបស់សារព័ត៌មាន The Nation។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏គួរឲ្យភ្ញាក់ផ្អើលនេះបណ្ដាលមកពីបុរសអាយុ៣៣ឆ្នាំម្នាក់ បានបើកការបាញ់ប្រហារនៅសង្កាត់ Ban Don បណ្ដាលឱ្យស្លាប់មនុស្ស៣នាក់ រួមមានស្ត្រី ២ នាក់និងបុរសម្នាក់ ខណៈបុរសម្នាក់ទៀតរងរបួស។

ការបាញ់ប្រហារបានកើតឡើងចម្ងាយត្រឹមតែ៥០ម៉ែត្រពីសាលារៀនប៉ុណ្ណោះដែលបណ្តាលឱ្យមានការបិទសាលាភ្លាមៗនិងជម្លៀសសិស្សចេញ។ អាជ្ញាធរបានបិទតំបន់នោះភ្លាមៗ ហើយប៉ូលិស៦នាក់ត្រូវបានដាក់ពង្រាយដើម្បីយាមត្រួតពិនិត្យនៅសាលា។

នៅក្នុងសេចក្តីថ្លែងការណ៍របស់ Facebook សាលារៀននោះ បានបញ្ជាក់ថា សិស្សទាំងអស់មានសុវត្ថិភាព ហើយត្រូវបានផ្លាស់ប្តូរទៅកាន់តំបន់ដែលមានសុវត្ថិភាពបំផុតនៅក្នុងបរិវេណសាលា។ ក្រុមមន្ត្រីក៏បានធានាដល់ឪពុកម្តាយ និងអាណាព្យាបាល ដោយសន្យាថា នឹងមានការធ្វើបច្ចុប្បន្នភាពជាបន្តបន្ទាប់ពីការស៊ើបអង្កេតលើមូលហេតុនៅពីក្រោយការវាយប្រហារនេះ។

នៅពេលនេះ សមត្ថកិច្ចថៃកំពុងតាមដានយ៉ាងសកម្មដើម្បីកំណត់មូលហេតុនៃសោកនាដកម្មនេះ៕

អត្ថបទ៖ ប៊ុន សុភាព