កីឡា

លោក ណុះ ស្លេះ បន្តជាប់ជាប្រធានសហព័ន្ធម៉ូតូទឹកកម្ពុជា អាណត្តិថ្មី ឆ្នាំ២០២៥

បានផុស

១ year មុន

នៅ

ថ្ងៃសុក្រ ៣០ ឧសភា ២០២៥

ដោយ

លោក ណុះ ស្លេះ បន្តជាប់ជាប្រធានសហព័ន្ធកីឡាម៉ូតូទឹកកម្ពុជា អាណត្តិទី៣ ឆ្នាំ២០២៥ ដល់ ២០២៩ ក្រោយធ្វើមហាសន្និបាតព្រឹកមិញនៅសាលប្រជុំ នៃមជ្ឈមណ្ឌលហ្វឹកហ្វឺនកីឡាជាប់ពហុកីឡដ្ឋានជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ណុះ ស្លេះ

ថ្លែងក្នុងមហាសន្និបាតលោក ណុះ ស្លេះ បានលើកឡើងថា ឥលូវនេះសហព័ន្ធមានគណៈកម្មាធិការប្រតិបត្តិថ្មីហើយ ដូច្នេះសូមសមាជិកទាំងអស់បន្តរួចគ្នាអភិវឌ្ឍន៍កីឡាម៉ូតូទឹកនេះឲ្យកាន់តែរីកចម្រើនបន្ថែមទៀតមិនថាការបង្កើនធនធានកីឡាករថ្មី ឬការប្រកួតលើឆាកជាតិ-អន្តរជាតិនោះទេ។

ទិដ្ឋភាពព្រឹកមិញ

ប្រធានសហព័ន្ធរូបនេះបន្ថែមទៀតថា មានតែការរួបរួមគ្នាប៉ុណ្ណោះទើបជំរុញឲ្យកីឡាមួយនេះមានភាពល្បីល្បាញ និងរីកចម្រើនទៅបាន។ រាល់បញ្ហាប្រឈមនានាសូមសមាជិកទាំងអស់ត្រូវបើកបង្ហាញជាមួយគ្នាដើម្បីជជែករកដំណោះស្រាយរួមគ្នា។

ទិដ្ឋភាពព្រឹកមិញ

បញ្ជាក់ដែរថា សហព័ន្ធកីឡាម៉ូតូទឹកកម្ពុជា កាលពីព្រឹកថ្ងៃទី៣០ ខែឧសភា ឆ្នាំ២០២៥ នេះបានធ្វើមហាសន្និបាតបញ្ចប់អាណត្តិចាស់ និងលើកទិសដៅអាណត្តិថ្មី ទី៣ ឆ្នាំ២០២៥ ដល់ ២០២៩។ ក្នុងនោះលោក ណុះ ស្លេះ បានជាប់ឆ្នោតបន្តជាប្រធានអាណត្តិថ្មីនេះផងដែរ។ ចំណែកលោក សាលី អ៊ូមើត ជាប់ជាអនុប្រធានទី១ សហព័ន្ធ៕

អត្ថបទដោយ៖ នួន ស៊ីណា

Related Topics:កីឡាម៉ូតូទឹកកម្ពុជា