ព័ត៌មានអន្ដរជាតិ
ណាតូ លាតត្រដាងតម្លៃជំនួយយោធា ដែលខ្លួនជួយដល់ អ៊ុយក្រែន
កាលពីថ្ងៃព្រហស្បតិ៍ទី២០ខែមេសា អគ្គលេខាធិការអង្គការណាតូលោក Jens Stoltenberg បានប៉ាន់ប្រមាណថា តម្លៃជំនួយយោធារបស់សម្ព័ន្ធភាពយោធាមួយនេះ ដល់អ៊ុយក្រែន គឺបានកើនឡើងដល់ ១៦៥ពាន់លានដុល្លារហើយ ចាប់តាំងពីខែកុម្ភៈឆ្នាំ២០២២មក។
លោក Stoltenberg ដែលទៅដល់ទីក្រុងកៀវកាលពីថ្ងៃព្រហស្បតិ៍ សម្រាប់កិច្ចពិភាក្សាជាមួយប្រធានាធិបតីអ៊ុយក្រែនលោក Volodymyr Zelensky បាននិយាយថា “បណ្តាប្រទេសជាសមាជិកណាតូ បានបណ្តុះបណ្តាលទាហានអ៊ុយក្រែនរាប់ម៉ឺននាក់ ហើយកំពុងផ្តល់យន្តហោះចម្បាំង រថក្រោះ និងរថពាសដែកបន្ថែមទៀតដល់អ៊ុយក្រែន ខណៈទីក្រុងកៀវ កំពុងរៀបចំសម្រាប់ការវាយបកប្រឆាំងរុស្ស៊ី”។
ស្របពេលជាមួយគ្នានោះ លោក Stoltenberg បានអះអាងជាថ្មីថា អ៊ុយក្រែនមានកន្លែងនៅក្នុងអង្គការណាតូ ប៉ុន្តែមិនបានបញ្ជាក់ពេលវេលាសម្រាប់ការចូលជាសមាជិកនោះទេ។
គួរបញ្ជាក់ថា សេចក្តីប្រកាសនេះកើតឡើងបន្ទាប់ពីរដ្ឋបាលប្រធានាធិបតីអាមេរិក ចូ បៃដិន បានប្រកាសផ្តល់ជំនួយយោធាថ្មីក្នុងទំហំទឹកប្រាក់ ៣២៥លានដុល្លារសម្រាប់អ៊ុយក្រែន ដើម្បីជួយយោធាទីក្រុងកៀវ ក្នុងសង្គ្រាមប្រឆាំងរុស្ស៊ី។
សម្រាប់កញ្ចប់ជំនួយថ្មីនេះ រួមមានទាំងគ្រាប់បន្ថែម សម្រាប់ប្រព័ន្ធរ៉ុកកែតចល័តកម្រិតខ្ពស់ (HIMARS) មីស៊ីលទំនើប និងមីនប្រឆាំងរថក្រោះផងដែរ។
នេះគឺជាកញ្ចប់សន្តិសុខទី៣៦ហើយសម្រាប់អ៊ុយក្រែន ចាប់តាំងរុស្ស៊ីបើកការវាយលុកក្នុងខែកុម្ភៈឆ្នាំ២០២២ ហើយនាំឲ្យជំនួយយោធាសរុបដែលសហរដ្ឋអាមេរិកជួយរដ្ឋាភិបាលទីក្រុង កៀវ កើនដល់ជាង៣៥.៤ពាន់លានដុល្លារ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អាមេរិក ប្រកាសផ្តល់ជំនួយថ្មីទៅឲ្យអ៊ុយក្រែន រួមទាំងមីស៊ីលទំនើប ផងដែរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ