ព័ត៌មានអន្ដរជាតិ
រុស្ស៊ី ព្រមានថា ប្រទេសណាហ៊ានបន្តចូល ណាតូ ប្រឈមនឹងផ្ទុះនុយក្លេអ៊ែរ
ឯកអគ្គរដ្ឋទូតរុស្ស៊ីប្រចាំប្រទេសកាណាដាលោក Oleg Stepanov បានប្រាប់សារព័ត៌មាន Sputnik កាលពីថ្ងៃព្រហស្បតិ៍ថា បណ្តាប្រទេសដែលចូលរួមក្នុងប្លុកណាតូនឹងប្រឈមហានិភ័យសន្តិសុខកាន់តែខ្លាំងឡើង រួមទាំងនុយក្លេអ៊ែរផងដែរ ។
លោក Stepanov បាននិយាយថា “សម្រាប់ពេលនេះ ប្រសិនបើប្រទេសណាមួយប្រកាសចូលរួម ឬចូលជាសមាជិកជាមួយប្លុកណាតូ នោះនឹងមានន័យថា ជាសត្រូវជាមួយនឹងរុស្ស៊ី ជាពិសេសប្រឈមមុខការផ្ទុះអាវុធនុយក្លេអ៊ែរជាដើម” ។
អ្នកការទូតរូបនេះបញ្ជាក់ថា “នៅពេលដែលអ្នកមិននៅក្នុងប្លុកនុយក្លេអ៊ែរមួយនេះ នោះអ្នកនឹងមានសុវត្ថិភាពហើយ ។ នៅពេលអ្នកចូលរួមជាមួយអង្គការណាតូ អ្នកនឹងក្លាយជាគោលដៅមួយផ្សេងទៀត ។ យើងមិនជឿថា សម្ព័ន្ធភាពមួយនេះ រួមទាំងប្រទេសជិតខាងហ្វាំងឡង់របស់យើងផងនោះ មិនយល់ពីការពិតនេះនោះទេ” ។
លោក Stepanov បានកត់សម្គាល់ថា “កាណាដា គឺជាប្រទេសដំបូងគេដែលមិនត្រឹមតែផ្តល់សច្ចាប័នលើសន្ធិសញ្ញាវ៉ាស៊ីនតោនប៉ុណ្ណោះទេ ប៉ុន្តែថែមទាំងពង្រីកការគាំទ្ររបស់ខ្លួនចំពោះពាក្យសុំចូលអង្គការណាតូរបស់ហ្វាំងឡង់ផងដែរ ។ ប្លុកនេះត្រូវបានបង្កើតឡើងសម្រាប់ទីក្រុងវ៉ាស៊ីនតោនដើម្បីគ្រប់គ្រងទឹកដីដ៏ធំសម្បើមរបស់អឺរ៉ុប និងដើម្បីបម្រើផលប្រយោជន៍អាមេរិក” ។
គួរបញ្ជាក់ថា ប្រទេសហ្វាំងឡង់បានក្លាយជាសមាជិកទី ៣១ របស់អង្គការណាតូកាលពីថ្ងៃទី ៤ ខែមេសា បន្ទាប់ពីពាក្យសុំចូលរួមរបស់ខ្លួនត្រូវបានផ្តល់សច្ចាប័នដោយសមាជិកទាំងអស់នៃសម្ព័ន្ធភាពមួយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ណាតូ លាតត្រដាងតម្លៃជំនួយយោធា ដែលខ្លួនជួយដល់ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ