ខឹងចិត្តពេក​ ពលរដ្ឋហៃទី អូសក្មេងទំនើងចេញពីប៉ុស្តិ៍ប៉ូលិស មកដុតទាំងរស់

វីដេអូដ៏រន្ធត់ បានបង្ហាញពីក្រុមក្មេងទំនើងហៃទី អង្វរករសុំក្តីមេត្តាករុណា មុនពេលប្រជាពលរដ្ឋយកដុំថ្មគប់ និងដុតពួកគេទាំងរស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិស និងសាក្សីនៅរដ្ឋធានី ព័រអូប្រាំង និយាយកាលពីថ្ងៃចន្ទទី២៤ខែមេសាថា ប្រជាពលរដ្ឋបានវាយ រួចយកប្រេងកាតស្រោចលើសម្បកកង់ឡាន ដុតបុរសចំនួន១៣នាក់រហូតដល់ស្លាប់ បន្ទាប់ពីទាញពួកគេចេញពីប៉ុស្តិ៍ប៉ូលិស។

ដោយឡែក ​សាក្សីម្នាក់ទៀត​បាន​អះអាង​ថា ​ឃើញ​ប៉ូលិស​សម្លាប់ក្មេងទំនើងទាំងនោះ​មុនពេលប្រជាពលរដ្ឋ​ដុត​ពួកគេទាំងរស់​។

ស្របពេលជាមួយគ្នានោះ ក្រុមមន្ត្រីបានរឹបអូសអាវុធពីជនសង្ស័យ មុនពេលពួកគេត្រូវបាន ប្រជាពលរដ្ឋធ្វើបាប។

អំពើហិង្សាដ៏រន្ធត់នេះ បានបង្ហាញពីទំហំនៃកំហឹងជាសាធារណៈ ចំពោះភាពគ្មានសណ្តាប់ធ្នាប់ដែលកាន់តែយ៉ាប់យ៉ឺនទៅៗ នៅក្នុងទីក្រុង ព័រអូប្រាំង។

គួរបញ្ជាក់ថា ក្រុមឧក្រិដ្ឋជន បានកាន់កាប់ប្រមាណ៦០ភាគរយនៃទីក្រុងនេះ ចាប់តាំងពីការធ្វើឃាតប្រធានាធិបតី Jovenel Moïse ក្នុងខែកក្កដាឆ្នាំ២០២១ ហើយពួកគេតែងតែបង្ករឿងមិនចេះចប់មិនចេះហើយ ជាហេតុធ្វើឲ្យប្រជាពលរដ្ឋរស់នៅមិនបានសុខ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ហៃទី ចាប់បានជនសង្ស័យ ជាមេខ្លោងធ្វើឃាតប្រធានាធិបតី បន្ទាប់ពីជិះយន្តហោះចូលប្រទេស ប៉ងឡើងកាន់តំណែង