រកឃើញមូលហេតុ ដែលភ្នំ Everest បន្លឺសំឡេងគួរឲ្យខ្លាច នៅពេលយប់

នៅពេលព្រះអាទិត្យលិចលើជួរភ្នំហិមាល័យ ហើយសីតុណ្ហភាពធ្លាក់ចុះ សំឡេងដ៏គួរឲ្យភ័យខ្លាច បានបន្លឺឡើងនៅក្នុងផ្ទាំងទឹកកកជុំវិញភ្នំ Everest។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជ្រាវដែលដឹកនាំដោយអ្នកជំនាញផ្នែកទឹកកកលោក Evgeny Podolskiy បានរកឃើញថា ស្នូរទង្គិចនិងសំឡេងរំខានក្នុងផ្ទាំងទឹកកកនៅរយៈកម្ពស់ខ្ពស់ គឺដោយសារតែការធ្លាក់ចុះសីតុណ្ហភាពក្រោយពេលមេឃងងឹត ដែលបណ្តាលឲ្យទឹកកកបែក។

កាលពីឆ្នាំ២០១៨ ក្រុមការងារ បានព្យាយាមរកឲ្យឃើញនូវមូលហេតុនៃសំឡេងបែបនេះ បន្ទាប់ពីចំណាយពេលជាងមួយសប្តាហ៍ ដើរកាត់ជួរភ្នំហិមាល័យនេប៉ាល់ ដើម្បីពិនិត្យមើលសកម្មភាពរញ្ជួយនៃប្រព័ន្ធទឹកកក Trakarding-Trambau នៅទីនោះ។

ហើយលោក Podolskiy និងក្រុមរបស់គាត់បានចំណាយពេល៣សប្តាហ៍ទៀត នៅលើផ្ទាំងទឹកកកដែលអាចមើលឃើញទិដ្ឋភាពពេញលេញនៃភ្នំ Everest។ 

ការស្រាវជ្រាវរបស់ពួកគេរកឃើញថា សំឡេងបែបនេះគឺបណ្តាលមកពីសកម្មភាពបាក់ទឹកកក នោះក៏ព្រោះតែកម្ដៅក្នុងផ្ទាំងទឹកកក ដោយសារឥទ្ធិពលនៃបម្រែបម្រួលអាកាសធាតុ។

លោក Podolskiy ក៏បានអះអាងផងដែរថា នៅពេលថ្ងៃ គាត់និងក្រុមរបស់គាត់អាចធ្វើការបានយ៉ាងស្រួល ប៉ុន្តែពេលយប់ចូលមកដល់ សីតុណ្ហភាពអាចធ្លាក់ចុះដល់ប្រហែល -១៥អង្សាសេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ចង់ឡើងភ្នំ Everest ត្រូវដឹងពីរឿងទាំង ១០ នេះសិន