នេប៉ាល់ ហាមភ្ញៀវទេសចរមិនឲ្យដើរឡើងភ្នំអេវើរ៉េសម្នាក់ឯង

នេប៉ាល់ ចេញច្បាប់រឹតបន្តឹងថ្មី ដោយមិនអនុញ្ញាតជាដាច់ខាតឲ្យប្រជាជននៅទូទាំងប្រទេស ឬភ្ញៀវទេសចរដើរកម្សាន្តផ្សងព្រេងឡើងលើភ្នំអេវើរ៉េស ឬតំបន់ដាច់ស្រយាលផ្សេងទៀត តែម្នាក់ឯងនោះឡើយ ។

ការចេញច្បាប់ហាមប្រាមនេះ ​ គឺដោយសារតែបារម្ភពីសុវត្ថិភាពអ្នកដំណើរ ព្រោះភ្នំអេវើរ៉េស ជាភ្នំដែលមានទំហំធំ និងខ្ពស់ ជាពិសេសវាដាច់ស្រយាលដែលធ្វើឲ្យមានការពិបាកស្វែងរក បើសិនជាមានបញ្ហាណាមួយកើតឡើងលើអ្នកផ្សងព្រេងដើរលេងតែម្នាក់ឯង ។ មិនត្រឹមតែភ្នំអេវើរ៉េសមួយទេ​ តំបន់ដាច់ស្រយាលផ្សេងៗទៀតក្នុងប្រទេស ក៏ត្រូវតែមានអ្នកនាំផ្លូវដែរ ។

ដូចនេះ​ រដ្ឋាភិបាលបានកំណត់ឲ្យអ្នកទេសចរទាំងអស់ គឺត្រូវដើរលេងជាក្រុមតាមរយៈក្រុមហ៊ុនទេសចរ ដែលមានអ្នកនាំផ្លូវត្រឹមត្រូវ ។

គួរបញ្ជាក់ថា អេវើរ៉េស គឺជាភ្នំ​ដែលខ្ពស់ជាងគេនៅលើពិភពលោក ដោយស្ថិតនៅក្នុងប្រទេសនេប៉ាល់ដែលមានកំពស់ ៨,៨៤៩ ម៉ែត្រ។

ប្រែសម្រួលដោយ ៖ នាង រតនៈ

ប្រភព ៖ CNN

ចុចអាន ៖ មេទាហានស៊ីឈ្នួល រុស្ស៊ី ប្រាប់ស្ថានភាពក្នុងសមរភូមិនៅទីក្រុង Bakhmut