ព័ត៌មានអន្ដរជាតិ
យានរុស្ស៊ីមួយប្រភេទ កំពុងធ្វើឲ្យកងទ័ពអ៊ុយក្រែន បាក់ស្បាតនៅសមរភូមិ
យានមួយប្រភេទឬគេហៅថា ម៉ាស៊ីនរាយគ្រាប់មីន ត្រូវបានរចនាឡើងដើម្បីបង្កើតជារបាំងការពារ រារាំងដល់ការវាយលុករបស់សត្រូវនិងការពារទ្រព្យសម្បត្តិដ៏មានតម្លៃ។
កាសែតអាមេរិក The American បានចុះផ្សាយថា ម៉ាស៊ីនដាំមីន Zemledelie របស់រុស្ស៊ី កំពុងធ្វើឲ្យកងទ័ពអ៊ុយក្រែននៅសមរភូមិជួរមុខ មានការភិតភ័យនិងបាក់ស្បាត។
កាសែតខាងលើ អះអាងថា “ច្បាស់ណាស់ ប្រព័ន្ធ Zemledelie ដែលគ្រប់គ្រងដោយក្រុមគ្រាប់បែករុស្ស៊ី គឺជាការគំរាមកំហែងដល់ប្រតិបត្តិការការវាយលុករបស់អ៊ុយក្រែន។ វាអាចដើរតួសំខាន់ ក្នុងការវាយប្រហារលើ កងពលតូចមេកានិចលេខ ៤៧ របស់អ៊ុយក្រែន កាលពីដើមខែមិថុនានៅជិតភូមិ Malaya Tokmachka។ សមរភូមិនោះ បានបណ្តាលឲ្យកងទ័ពអ៊ុយក្រែនបោះបង់ចោលរថក្រោះ Leopard 2 និងរថយន្តប្រយុទ្ធ Bradley ជាច្រើនគ្រឿង”។
យោងតាមប្រព័ន្ធផ្សព្វផ្សាយដដែលបានឲ្យដឹងទៀតថា ចម្ការមីន បានបង្កជាបញ្ហាយ៉ាងធ្ងន់ធ្ងរ ដល់កម្លាំងវាយប្រហារ។ ម៉ាស៊ីននេះ ក៏រំខានដល់ការចល័តរបស់កងកម្លាំងអ៊ុយក្រែន និងរារាំងសកម្មភាពរបស់ពួកគេផងដែរ ។
ទោះបីជាយ៉ាងណាក៏ដោយ របាយការណ៍នេះកើតឡើង បន្ទាប់ពីរដ្ឋមន្ត្រីការពារជាតិអ៊ុយក្រែន លោក Aleksey Reznikov បានប្រាប់ពីមូលហេតុដែលប្រតិបត្តិការរបស់ខ្លួនមិនទាន់ទទួលបានលទ្ធផល គឺដោយសារតទីក្រុងកៀវ មិនទាន់ដាក់ពង្រាយទាហានបម្រុងយ៉ាងច្រើន ដែលត្រូវបានបណ្តុះបណ្តាលដោយលោកខាងលិច សម្រាប់ដំណាក់កាលដ៏សំខាន់បំផុត នៃការវាយលុករបស់ខ្លួន ប្រឆាំងកងកម្លាំងរុស្ស៊ីនៅឡើយទេ ។
លោក Reznikov បាននិយាយនៅក្នុងបទសម្ភាសជាមួយកាសែត Financial Times កាលពីថ្ងៃពុធ ទី២៨ ខែមិថុនាថា “ការដណ្តើមបានភូមិតូចៗជាច្រើនពីរុស្ស៊ីមកវិញ គឺមិនមែនជាចំណុចសំខាន់ នៃប្រតិបត្តិការទេ។ នៅពេលការវាយលុកសំខាន់ឈានមកដល់ អ្នកទាំងអស់គ្នានឹងឃើញ មនុស្សគ្រប់គ្នានឹងឃើញអ្វីគ្រប់យ៉ាង”។
យោងតាមរដ្ឋមន្ត្រី, កងទ័ពបម្រុងសំខាន់ៗរបស់ទីក្រុងកៀវ រួមទាំងកងពលតូចភាគច្រើនដែលត្រូវបានបណ្តុះបណ្តាលនៅលោកខាងលិច ហើយមានប្រដាប់ដោយរថក្រោះ និងរថពាសដែកផ្គត់ផ្គង់ដោយអង្គការណាតូផងដែរនោះ គឺមិនត្រូវបានប្រើប្រាស់ក្នុងការវាយលុកទេ គិតមកត្រឹមពេលនេះ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អ៊ុយក្រែន ប្រាប់មូលហេតុ ដែលការវាយបកទៅរុស្ស៊ី មិនទាន់ទទួលបានលទ្ធផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
សេចក្ដីជូនដំណឹង២៤ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម២ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ