ព័ត៌មានអន្ដរជាតិ
បារាំង បញ្ជូនមីស៊ីល “ស្រមោលព្យុះ” ទៅឲ្យ អ៊ុយក្រែន
ប្រធានាធិបតីបារាំងលោក Emmanuel Macron បានធ្វើតាមសន្យារបស់ខ្លួន ក្នុងការផ្គត់ផ្គង់ឲ្យអ៊ុយក្រែននូវមីស៊ីល “ស្រមោលព្យុះ”។ នេះបើយោងតាមឃ្លីបវីដេអូ ដែលចេញផ្សាយដោយក្រសួងការពារជាតិទីក្រុងកៀវ។
ដំបូងឡើយ លោក Macron បានប្រកាសពីការសម្រេចចិត្តរបស់គាត់ ដើម្បីផ្តល់ឲ្យអ៊ុយក្រែននូវមីស៊ីលរយៈចម្ងាយឆ្ងាយនៅក្នុងខែឧសភា ហើយបានបញ្ជាក់ពីសន្យានេះ ក្នុងកិច្ចប្រជុំកំពូលណាតូ នៅទីក្រុង វីនីញូស កាលពីខែកក្កដា។
នៅក្នុងវីដេអូដែលចែករំលែកកាលពីថ្ងៃអាទិត្យទី៦ខែសីហា ដោយក្រសួងការពារជាតិអ៊ុយក្រែន លោកប្រធានាធិបតី Vladimir Zelensky ត្រូវបានគេមើលឃើញថា បានស៊ីញ៉េលើមីស៊ីលដែលភ្ជាប់ទៅនឹងយន្តហោះចម្បាំង Su-24។
មីស៊ីលនេះមានអក្សរ SCALP-EG ជាមួយពណ៌ទង់ជាតិបារាំង និងនិមិត្តសញ្ញាជាតិអ៊ុយក្រែននៅលើនោះ។ ទោះបីជាយ៉ាងណាក៏ដោយ គេនៅមិនទាន់ដឹងទេថា តើមីស៊ីលបារាំងប៉ុន្មានគ្រាប់ត្រូវបានគេបញ្ជូនទៅ និងបញ្ជូនទៅពេលណា។
ស្រមោលព្យុះ ឬ SCALP-EG គឺជាមីស៊ីលផ្លោងបាញ់ពីអាកាស មានរយៈចម្ងាយប្រហែល ២៥០គីឡូម៉ែត្រ។ មីស៊ីលនេះត្រូវបានផលិតក្នុងទសវត្សរ៍ឆ្នាំ១៩៩០ ហើយត្រូវបានប្រើប្រាស់ក្នុងប្រតិបត្តិការយោធាលោកខាងលិចមួយចំនួន រួមទាំងអន្តរាគមន៍របស់អង្គការណាតូនៅប្រទេសលីប៊ី និងការវាយប្រហារនៅប្រទេសស៊ីរីក្នុងឆ្នាំ២០០៨ ផងដែរ។
យ៉ាងណាក្តី មុននេះ អង់គ្លេសក៏បានផ្តល់មីស៊ីលស្រមោលព្យុះទៅឲ្យអ៊ុយក្រែន រួចហើយផងដែរ ដោយទីក្រុងកៀវ បានបាញ់ជាច្រើនលើកច្រើនសារ លើទីតាំងនានា។
យោងតាមមន្ត្រីរុស្ស៊ី, មីស៊ីលប្រភេទនេះ ត្រូវបានបាញ់លើរោងចក្រស៊ីវិលចំនួនពីរក្នុងទីក្រុង Lugansk នៃប្រទេសរុស្ស៊ីកាលពីខែឧសភា ដោយបានបណ្តាលឲ្យមនុស្សជាច្រើននាក់រងរបួស ក្នុងនោះរួមមានទាំងកុមារចំនួន៦នាក់ផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ថា អ៊ុយក្រែន ប្រើមីស៊ីល “ស្រមោលព្យុះ” របស់អង់គ្លេស វាយប្រហារទីក្រុង Luhansk
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ៨ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៦ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ