រន្ទះបាញ់សម្លាប់មនុស្ស ១០ នាក់ នៅភាគខាងកើតប្រទេស ឥណ្ឌា

យ៉ាងហោចណាស់មនុស្ស ១០ នាក់ បានស្លាប់ និង ៣ នាក់ រងរបួសធ្ងន់នៅក្នុងរដ្ឋ Odisha ភាគខាងកើតប្រទេស ឥណ្ឌា ដោយសាររន្ទះបាញ់ ខណៈពេលភ្លៀងធ្លាក់ខ្លាំង ។

កាលពីថ្ងៃទី៣ ខែកញ្ញា មន្ត្រីជាន់ខ្ពស់ក្នុងរដ្ឋាភិបាលរដ្ឋបានឲ្យដឹងថា មានរន្ទះបាញ់សម្លាប់មនុស្ស ៤ នាក់នៅស្រុក Khurda ២ នាក់ទៀតនៅ Bolangir និងម្នាក់មួយនៅ Angul, Boudh, Jagatsinghpur និង Dhenkanal ។ សម្រាប់ស្រុក Khurda មិនត្រឹមតែស្លាប់ ៤ នាក់ប៉ុណ្ណោះទេ នៅមានមនុស្សរងបួសធ្ងន់ ៣ នាក់ថែមទៀត ។

ជាក់ស្ដែងតំបន់ឆ្នេរនៃ Odisha រួមទាំងទីក្រុងភ្លោះ Bhubaneswar និង Cuttack ក៏មានភ្លៀងធ្លាក់ខ្លាំងដែរ កាលពីថ្ងៃសៅរ៍ ទី២ ខែកញ្ញា ។

នាយកដ្ឋានឧតុនិយមឥណ្ឌាបានព្យាករណ៍ថា ស្ថានភាពស្រដៀងគ្នានឹងបន្តនៅក្នុងតំបន់ខ្លះនៃរដ្ឋក្នុងរយៈពេល ៤ ថ្ងៃខាងមុខនេះ ៕

ប្រែសម្រួល៖ វារី

ប្រភព៖ english.news.cn

ចុចអាន៖ ៨ ខែ ឆ្នាំនេះ រន្ទះបាញ់បណ្ដាលឲ្យមនុស្សស្លាប់-របួសជាង ១០០ នាក់ និងងាប់គោក្របីជិត ៩០ ក្បាល