ព័ត៌មានអន្ដរជាតិ
ជប៉ុន នឹងទិញមីស៊ីល ៤០០ គ្រាប់ពី អាមេរិក មុនផែនការគ្រោងទុក
រដ្ឋមន្ត្រីការពារជាតិជប៉ុនលោក Minoru Kihara បាននិយាយកាលពីថ្ងៃពុធថា រដ្ឋាភិបាលទីក្រុងតូក្យូនឹងចាប់ផ្តើមទិញមីស៊ីលបាញ់នាំផ្លូវ Tomahawk ពីសហរដ្ឋអាមេរិក មុនផែនការគ្រោងទុក ដើម្បីឆ្លើយតបទៅនឹងបញ្ហាប្រឈមផ្នែកសន្តិសុខដែលកំពុងកើនឡើងនៅក្នុងតំបន់អាស៊ី ។
សារព័ត៌មាន Kyodo របស់ប្រទេសជប៉ុនបានរាយការណ៍ថា ប្រទេសជប៉ុនមានបំណងទិញមីស៊ីល Tomahawk ចំនួន ៤០០ គ្រាប់ ដែលមានរយៈចម្ងាយវាយប្រហារប្រហែល ១,៦០០ គីឡូម៉ែត្រ ដើម្បីត្រៀមរៀបចំសម្រាប់ការវាយបកលើមូលដ្ឋានសត្រូវក្នុងលក្ខខណ្ឌចាំបាច់ ។
ក្នុងអំឡុងពេលជំនួបទល់មុខគ្នាជាលើកដំបូងជាមួយរដ្ឋមន្ត្រីការពារជាតិសហរដ្ឋអាមេរិក Lloyd Austin ក្នុងទីក្រុង Washington, D.C, លោក Minoru Kihara បានធ្វើការកត់សម្គាល់ថា ជប៉ុនមានគម្រោងទិញមីស៊ីល Tomahawk Block-4 ក្នុងឆ្នាំសារពើពន្ធ ២០២៥ និងមីស៊ីល Tomahawk Block-5 ស៊េរីចុងក្រោយបំផុតក្នុងឆ្នាំសារពើពន្ធ ២០២៦ និង ២០២៧ សម្រាប់ដាក់បំពាក់លើនាវាពិឃាត Aegis របស់កងកម្លាំងស្វ័យការពារដែនសមុទ្រ ។
លោក Kihara បានសង្កត់ធ្ងន់ថា ការផ្លាស់ប្តូរកាលវិភាគទិញមីស៊ីលនេះ នឹងជួយជំរុញយ៉ាងខ្លាំងដល់សមត្ថភាពការពារជាតិរបស់ប្រទេសជប៉ុនក្នុងពេលឆាប់ៗនេះ ប៉ុន្តែទោះជាយ៉ាងណា ប្រមុខការពារជាតិទាំងពីរក៏មិនទាន់ឈានដល់កិច្ចព្រមព្រៀងជាក់លាក់ណាមួយនៅឡើយទេ ដោយសារតែត្រូវមានការអនុម័តពីសភាអាមេរិកជាមុនសិន ។
គួរបញ្ជាក់ថា រដ្ឋាភិបាលជប៉ុនបានបែងចែកថវិកាសម្រាប់ទិញមីស៊ីលចំនួន ២១១.៣ ពាន់លានយ៉េន (១.៤ ពាន់លានដុល្លារ) នៅក្នុងថវិកាសារពើពន្ធឆ្នាំ ២០២៣ ដោយសារបច្ចុប្បន្នជប៉ុនមានតែមីស៊ីលស៊េរីចាស់ប៉ុណ្ណោះ ដូច្នេះការកែប្រែទិញមីស៊ីលមុនផែនការគ្រោងទុកនេះ នឹងកាត់បន្ថយការចំណាយលើការទិញមីស៊ីលទាំងមូលតែម្ដង ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ តើមូលហេតុអ្វីខ្លះទើបប្រធានរដ្ឋសភា អាមេរិក ជ្រុះចេញពីតំណែង ហើយប៉ះពាល់យ៉ាងណាដល់ អ៊ុយក្រែន?
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?