Connect with us

ព័ត៌មានអន្ដរជាតិ

ឡាវ ជាប្រទេសមានតម្លៃសេវាអ៊ីនធឺណិតទូរសព្ទ​ធូរថ្លៃជាងគេលេខ ២ នៅ អាស៊ាន

បានផុស

នៅ

ប្រទេសឡាវមានតម្លៃអ៊ីនធឺណិតទូរសព្ទទាបជាងគេ​បំផុតលំដាប់លេខ ២ នៅក្នុងចំណោមប្រទេសទាំង ១០ ​របស់អាស៊ាន ដោយស្ថិត​នៅតែក្រោមព្រះរាជាណាចក្រកម្ពុជាតែមួយប៉ុណ្ណោះ ហើយស្ថិតនៅលំដាប់លេខ ១៤ នៅទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យស្រាវជ្រាវរបស់ Cable.co.uk បានឲ្យដឹងថា ថ្លៃសេវាអ៊ីនធឺណិតនៅប្រទេសឡាវ​មានតម្លៃជាមធ្យម ០.២៥ ដុល្លារក្នុង ១​ ជីហ្គាបៃ (GB) នៃទិន្នន័យទូរសព្ទចល័តនៅក្នុងប្រទេស​ ហើយជាតម្លៃទាបបំផុតមួយ បន្ទាប់ពីព្រះរាជាណាចក្រកម្ពុជា ។

ដូចគ្នានេះ ប្រទេសក្នុងតំបន់អាស៊ាន​ផ្សេងទៀត​ ដូចជា មីយ៉ាន់ម៉ា មានតម្លៃ ០.៩៩ ដុល្លារ​ក្នុង១​ ជីហ្គាបៃ (GB), ប្រទេស​សិង្ហបុរី មានតម្លៃ ០.៦៣ ដុល្លារ និង​ហ្វីលីពីនមានតម្លៃ ០.៥៩ ដុល្លារក្នុង ១​ ជីហ្គាបៃ (GB) ។

ដោយឡែក នៅ​លើពិភពលោកវិញ ប្រទេសដែលមានតម្លៃអ៊ីនធឺណិតទូរសព្ទទាបជាងគេបំផុតគឺ អ៊ីស្រាអែល ដោយមានតម្លៃត្រឹមតែ ០.០២ ដុល្លារ​ប៉ុណ្ណោះ​ក្នុង ១​ ជីហ្គាបៃ (GB) ខណៈអាមេរិកវិញគឺមានតម្លៃខ្ពស់ជាងគេ​បំផុត​ រហូតដល់​ ៦ ដុល្លារក្នុង ១​ ជីហ្គាបៃ (GB) ៕

ប្រែសម្រួល៖ នាង រតនៈ

ប្រភព៖​ Laotian times

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម