ព័ត៌មានអន្ដរជាតិ

ពលរដ្ឋអាមេរិកច្រើននាក់ ក៏ត្រូវក្រុមហាម៉ាស់ សម្លាប់និងចាប់ជាចំណាប់ខ្មាំងដែរ

បានផុស

៣ years មុន

នៅ

ថ្ងៃចន្ទ ៩ តុលា ២០២៣

ដោយ

រដ្ឋមន្ត្រីការបរទេសអាមេរិកលោក Antony Blinken បាននិយាយកាលពីថ្ងៃអាទិត្យទី៨ខែតុលាថា សហរដ្ឋអាមេរិកកំពុងធ្វើការ ដើម្បីបញ្ជាក់ឲ្យច្បាស់ពីរបាយការណ៍ដែលថា មានជនជាតិអាមេរិកច្រើននាក់ ត្រូវបានសម្លាប់ក្នុងការវាយប្រហាររបស់ក្រុមហាម៉ាស់។

រដ្ឋមន្ត្រីការបរទេសអាមេរិកលោក Antony Blinken (រូបថត៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលពិធីការិនីរបស់ទូរទស្សន៍ CNN លោកស្រី Dana Bash សួរទៅលោក Blinken ថាតើពិតជាមានជនជាតិអាមេរិកត្រូវបានសម្លាប់ ឬចាប់ជាចំណាប់ខ្មាំងដោយពួកភេរវករមែនឬទេ? រដ្ឋមន្ត្រីការបរទេសអាមេរិក ឆ្លើយថា “មែនហើយ យើងមានរបាយការណ៍ថា ជនជាតិអាមេរិកជាច្រើននាក់ត្រូវបានសម្លាប់។ យើងកំពុងធ្វើការ ដើម្បីផ្ទៀងផ្ទាត់អំពីរឿងនេះ”។

លោកបន្ថែមថា “ស្របពេលជាមួយគ្នានេះដែរ មានរបាយការណ៍អំពីជនជាតិអាមេរិកដែលបាត់ខ្លួន ហើយយើងកំពុងក៏ធ្វើការ ដើម្បីផ្ទៀងផ្ទាត់អំពីរបាយការណ៍ទាំងនេះដែរ”។

ការបញ្ជាក់របស់លោក Blinken កើតឡើង បន្ទាប់ពីមានរបាយការណ៍ថា ជនជាតិអ៊ីស្រាអែលជាង៧០០នាក់ ត្រូវបានបញ្ជាក់ថាស្លាប់ក្នុងការប្រយុទ្ធត្រឹមមួយថ្ងៃ ហើយជាង២០០០នាក់រងរបួស ហើយនេះមិនរាប់បញ្ចូលអ្នកដែលត្រូវក្រុមភេរវករ ចាប់ជាចំណាប់ខ្មាំងឡើយ។

គួរបញ្ជាក់ថា ចំនួនអ្នកស្លាប់នេះ គឺជាការសម្លាប់រង្គាលដ៏ធំបំផុតរបស់ជនជាតិជ្វីហ្វក្នុងរយៈពេលត្រឹមតែមួយថ្ងៃ ចាប់តាំងពីសង្គ្រាមលោកលើកទីពីរមក៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ីស្រាអែល ប្ដេជ្ញាសងសឹកយ៉ាងចាស់ដៃទៅក្រុមហាម៉ាស់វិញ ក្រោយបើក ការវាយប្រហារសម្លាប់មនុស្សរាប់រយនាក់