ព័ត៌មានអន្ដរជាតិ
ក្រុមហាម៉ាស់ ត្រៀមពិភាក្សាបទឈប់បាញ់ជាមួយ អ៊ីស្រាអែល តែមិននិយាយពីជោគវាសនាចំណាប់ខ្មាំងឡើយ
ក្រុមប្រដាប់អាវុធហាម៉ាស់ប៉ាឡេស្ទីនបានប្រកាសពីការត្រៀមខ្លួនក្នុងការពិភាក្សាអំពីបទឈប់បាញ់ជាមួយអ៊ីស្រាអែល ប៉ុន្តែមិនមានបំណងចរចាអំពីជោគវាសនារបស់ចំណាប់ខ្មាំងនោះទេ ស្របពេលដែលការប្រយុទ្ធគ្នានៅតែបន្តកើតមានឡើង ។
ក្រុមហាម៉ាស់បាននិយាយនៅក្នុងសេចក្តីថ្លែងការណ៍មួយដែលដកស្រង់ដោយទូរទស្សន៍ Al Hadath TV ថា “អ្នកតំណាងក្រុមហាម៉ាស់នឹងបើកទូលាយសម្រាប់ការពិភាក្សាបទឈប់បាញ់ជាមួយអ៊ីស្រាអែល ប៉ុន្តែចំពោះកិច្ចចរចាលើអ្នកទោសនឹងមិនបានលើកឡើងនោះទេ” ។
ទោះជាយ៉ាងណា អ្នកនាំពាក្យក្រសួងការបរទេសអ៊ីស្រាអែល លោក Lior Hayat បានឆ្លើយតបថា ប្រទេសរបស់លោកនឹងមិនធ្វើកិច្ចចរចាជាមួយក្រុមហាម៉ាស់ឡើយ ហើយចាត់ទុកថា រឿងបែបនេះមិនអាចទៅរួចនោះទេ ដោយសារតែពួកគេបានប្រកាសសង្រ្គាមរួចទៅហើយ ។
ពាក់ព័ន្ធនឹងបញ្ហានេះដែរ នាយករដ្ឋមន្ត្រីអ៊ីស្រាអែល លោក Benjamin Netanyahu បានប្រៀបធៀបសមាជិកក្រុមហាម៉ាស់ ជាមួយនឹងក្រុមរដ្ឋឥស្លាម ISIS និងប្តេជ្ញាកម្ចាត់ពួកគេឲ្យទៅជាផេះផងដែរ ។ ថ្លែងក្នុងសុន្ទរកថាទៅកាន់ប្រជាជាតិ លោកនាយករដ្ឋមន្ត្រីលើកឡើងថា “សត្រូវមួយនេះចង់ធ្វើសង្រ្គាម ហើយនេះជាអ្វីដែលពួកគេនឹងទទួលបាន” ។
យោងតាមទិន្នន័យផ្លូវការចុងក្រោយបានឲ្យដឹងថា ចាប់តាំងពីផ្ទុះជម្លោះមក ប្រជាជនប៉ាឡេស្ទីនជាង ៧០០ នាក់បានស្លាប់ ដោយភាគច្រើននៅតំបន់ហ្គាហ្សាស្ទ្រីបដែលទទួលរងនូវការទម្លាក់គ្រាប់បែករបស់អ៊ីស្រាអែល ហើយជាង ៣,៧០០ នាក់បានរងរបួស ។
ចំណែកភាគីខាងអ៊ីស្រាអែលវិញបានរាយការណ៍ថា មានមនុស្សស្លាប់ប្រហែល ៨០០ នាក់ និងរបួសជាង ២,៧០០ នាក់ ហើយក្នុងនោះក្រុមសកម្មប្រយុទ្ធហាម៉ាស់ក៏បានចាប់មនុស្សជាង ១០០ នាក់ធ្វើជាចំណាប់ខ្មាំង ជាពិសេសក្រុមនេះថែមទាំងបានគំរាមសម្លាប់ចំណាប់ខ្មាំងជនជាតិអ៊ីស្រាអែលផងដែរ ក្នុងករណីមានការវាយប្រហារលើជនស៊ីវិលនៅតំបន់ហ្គាហ្សាស្ទ្រីប ៕
ប្រែសម្រួលដោយ ៖ ជីវ័ន្ត
ប្រភព ៖ TASS
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%