ព័ត៌មានអន្ដរជាតិ
គូស្នេហ៍តៃវ៉ាន់ រើសទីលានចាក់សំរាមជាកន្លែងថត Pre-wedding ប្លែកពីគេ
កាលពីថ្ងៃទី ១៤ខែតុលា គេហទំព័រ Nextapple បានរាយការណ៍ដោយបង្ហាញអំពីគូស្នេហ៍តៃវ៉ាន់មួយគូ ទើបនឹងរៀបការថ្មីថ្មោង ហើយបានសម្រេចចិត្តរើសទីលានចាក់សំរាមជាកន្លែងដែលពួកគេថត Pre-Wedding ។
រូបភាពនេះត្រូវបានចែករំលែកនៅលើបណ្តាញសង្គម ដោយបង្ហាញពីទិដ្ធភាពក្នុងទីក្រុង Puli និងបានជំរុញមានការជជែកដេញដោលយ៉ាងក្តៅគគុក។ អ្នកនិយមលេងអ៊ីនធឺណិតមានការងឿងឆ្ងល់ មនុស្សជាច្រើនបានស្មានថាគូស្វាមីភរិយាថ្មីថ្មោងប្រហែលជាអ្នកស្រលាញ់បរិស្ថាន។ ស្របពេលដែលមនុស្សមួយចំនួនបានចំអកថា វាជានិមិត្តរូបនៃអារម្មណ៍ចម្រុះនៅក្នុងអំឡុងពេលក្រោយពិធីមង្គលការ។
ទីតាំងត្រូវបានជ្រើសរើសជាភ្នំសំរាម បានក្លាយជាការជជែកតាមអ៊ីនធឺណិតនៅតៃវ៉ាន់ រឿងនេះបានធ្វើឲ្យក្រុមអ្នកលេងអ៊ីនធឺណិតជាច្រើនឆ្ងល់ថា ហេតុអ្វីបានជាគូស្នេហ៍មួយគូនេះជ្រើសរើសកន្លែងដ៏រញ៉េរញ៉ៃ និងមានក្លិនស្អុយបែបនេះ ដើម្បីថតរូបអាពាហ៍ពិពាហ៍របស់ពួកគេ។
ទោះយ៉ាងណាក៏ដោយ កូនក្រមុំឈ្មោះ Xue បានចេញមកឆ្លើយ រួមនឹងការពន្យល់ពីមូលហេតុនៅពីក្រោយនោះ។ នាងនិងមិត្តប្រុសបានធ្វើដំណើរពីតៃប៉ិទៅក្រុង Puli ដើម្បីថតរូបអាពាហ៍ពិពាហ៍នៅថ្ងៃទី ១៤ តុលា។ ដំបូងឡើយ អ្នកថតរូបគិតថានាងនិយាយលេង។ អ្នកបើកបរក៏និយាយដែរថា គាត់បាននាំមនុស្សទៅថតរូបអាពាហ៍ពិពាហ៍អស់រយៈពេល ៣០ ឆ្នាំមកហើយ ប៉ុន្តែគាត់មិនដែលជួបអ្នកណាដែលចង់ថតរូបក្នុងគំនរសំរាមនោះទេ។
ក្នុងនោះផងដែរ នាងក៏បានថ្លែងអំណរគុណចំពោះមិត្តប្រុសរបស់នាងដែលតែងតែគាំទ្រគំនិតនេះយ៉ាងសកម្ម។ ចំពោះហេតុផលដែលជ្រើសរើសថតរូបអាពាហ៍ពិពាហ៍នោះ នៅលើភ្នំសំរាមកូនក្រមុំពន្យល់ថា បញ្ហាផ្ទុះសំរាមកើតឡើងនៅតាមបណ្តាស្រុក និងក្រុងជាច្រើន។ វាមិនត្រឹមតែជាបញ្ហាតែមួយគត់សម្រាប់ទីក្រុង Puli ប៉ុណ្ណោះទេ។ បរិមាណសំរាមនៅតៃវ៉ាន់កំពុងកើនឡើងជារៀងរាល់ឆ្នាំ។ សង្ឃឹមថាអ្នកទាំងអស់គ្នានឹងយកចិត្តទុកដាក់លើបញ្ហានេះ និងដំណើរការ រួមគ្នាកាត់បន្ថយបរិមាណសំរាម ។
យ៉ងណាមិញ កូនក្រមុំនិយាយដោយស្មោះថា ទោះបីជាមានក្លិនខ្លាំងនៅកន្លែងចាក់សំរាមក៏ដោយ តែនាងសង្ឃឹមថារូបថតនឹងនាំមកនូវការយកចិត្តទុកដាក់ចំពោះបញ្ហាកាកសំណល់លើស ហើយនឹងលើកទឹកចិត្តមនុស្សឲ្យបង្កើតសំរាមតិច និងជួយរក្សាភាពស្រស់ស្អាតរបស់តៃវ៉ាន់៕
ប្រែសម្រួល សាង ស្រីល័ក្ខ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ