ក្មេងប្រុសអាយុ ១២ឆ្នាំពីរនាក់ត្រូវប៉ូលិសអង់គ្លេសចាប់ខ្លួនពាក់ព័ន្ធករណីចាក់សម្លាប់

ប៉ូលិសអង់គ្លេសបាននិយាយកាលពីថ្ងៃពុធ ទី១៥ ខែវិច្ឆិកា ថា ក្មេងប្រុសអាយុ ១២ឆ្នាំពីរនាក់ត្រូវបានចាប់ខ្លួនពីបទសង្ស័យឃាតកម្ម បន្ទាប់ពីយុវជនអាយុ ១៩ឆ្នាំម្នាក់ត្រូវបានចាក់សម្លាប់នៅទីក្រុង Wolverhampton ភាគកណ្តាលនៃចក្រភពអង់គ្លេស។

ជនរងគ្រោះឈ្មោះ Shawn Seesahai បានស្លាប់កាលពីថ្ងៃចន្ទ បន្ទាប់ពីត្រូវបានគេចាក់ឱ្យដេកដួលនឹងដីក្បែរផ្លូវមួយ នៅភាគខាងត្បូងនៃទីក្រុង Wolverhampton ។

ប៉ូលិស West Midlands បាននិយាយនៅក្នុងសេចក្តីថ្លែងការណ៍មួយថា “ក្មេងប្រុសអាយុ ១២ឆ្នាំ ពីរនាក់ត្រូវបានចាប់ខ្លួនកាលពីយប់មិញនៅផ្ទះរបស់ពួកគេ ដោយសង្ស័យជាប់ទាក់ទិននឹងឃាតកម្ម ហើយពេលនេះបូលិសកំពុងបន្តឃុំខ្លួនពួកគេ” ៕

ប្រែសម្រួល៖ សន្យា

ប្រភព៖ Asiaone

ចុចអាន៖ អគ្គិភ័យ ឆេះអគារការិយាល័យនៅចិន សម្លាប់មនុស្ស ២៥នាក់