កូរ៉េខាងជើងនៅតែបង្កើនកម្មវិធីអាវុធ ទោះស្ថិតក្រោមការដាក់ទណ្ឌកម្ម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កូរ៉េខាងជើងនៅតែបង្កើនកម្មវិធីអាវុធ ទោះស្ថិតក្រោមការដាក់ទណ្ឌកម្ម

Published

on

ប្រភពពីអង្គការសហប្រជាជាតិ (UN) ដែលដឹងអំពីរបបឃ្លាំមើលទណ្ឌកម្មបានប្រាប់សារព័ត៌មាន Sputnik ថា ប្រទេសកូរ៉េខាងជើងបានបន្តអភិវឌ្ឍហេដ្ឋារចនាសម្ព័ន្ធការពារជាតិរបស់ខ្លួននៅក្នុងឆ្នាំ ២០២០ និងទទួលបានវឌ្ឍនភាពគួរឲ្យកត់សម្គាល់នៅក្នុងបច្ចេកវិទ្យាមីស៊ីលរបស់ខ្លួនពេញមួយឆ្នាំកន្លងមកនេះ ។

ប្រភពនេះបាននិយាយថា “ដោយសារតែកូរ៉េខាងជើងបានបង្ហាញមីស៊ីលប្រភេទថ្មីនៅព្យុហយាត្រាពីរលើកថ្មីៗនេះ បានប្រកាសផែនការបង្កើតអាវុធនុយក្លេអ៊ែរយុទ្ធសាស្ត្រ និងមីស៊ីលផ្លោងបាញ់ចេញពីនាវាមុជទឹក វាច្បាស់ណាស់ថា កម្មវិធីមីស៊ីលរបស់កូរ៉េខាងជើងមិនបាននៅស្ងៀមនោះទេ ហើយការរីកចម្រើនគួរឲ្យកត់សម្គាល់ត្រូវបានធ្វើនៅទីនេះ ។ នេះហើយជាការឆ្លុះបញ្ចាំងនៅក្នុងរបាយការណ៍របស់អ្នកជំនាញ ។

ប្រភពដដែលបានបន្តទៀតថា របាយការណ៍របស់អង្គការសហប្រជាជាតិបានចងក្រងជាឯកសារនូវការរំលោភបំពានជាបន្តបន្ទាប់នៃការដាក់ទណ្ឌកម្មតាមរយៈការធ្វើពាណិជ្ជកម្មឆ្លងដែន និងការរត់ពន្ធឆ្លងកាត់ព្រំដែន ។ ទោះយ៉ាងណាទណ្ឌកម្មនៅតែបន្តមានសម្ពាធសេដ្ឋកិច្ចយ៉ាងសំខាន់ទៅលើទីក្រុងព្យុងយ៉ាង ។

កូរ៉េខាងជើងស្ថិតនៅក្រោមការដាក់ទណ្ឌកម្មពីក្រុមប្រឹក្សាសន្តិសុខអង្គការសហប្រជាជាតិតាំងពីឆ្នាំ ២០០៦ មកម្ល៉េះ ហើយត្រូវបានបន្ថែមការដាក់ទណ្ឌកម្មក្នុងរយៈពេលប៉ុន្មានឆ្នាំនេះដើម្បីដាក់សម្ពាធឲ្យរដ្ឋនេះបញ្ឈប់កម្មវិធីអាវុធនុយក្លេអ៊ែររបស់ខ្លួនទាំងស្រុង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ កូរ៉េខាងជើងបង្កើតទិវា “មីស៊ីលជាតិ”

ចុចអាន ៖ គីម ជុងអ៊ុន៖ ទោះអ្នកណាកាន់អំណាចក៏ដោយ អាមេរិកនៅតែជា “សត្រូវធំបំផុត” របស់កូរ៉េខាងជើង

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services