Breaking News: លោក Lai Ching-te មកពីគណបក្សកាន់អំណាច ឈ្នះឆ្នោត ត្រៀមឡើងជាប្រធានាធិបតីថ្មីតៃវ៉ាន់

គិតត្រឹមម៉ោង ៩ និង ០០ នាទី ម៉ោងក្នុងតំបន់ (តៃវ៉ាន់) ទីបំផុតដំណើរការរាប់សន្លឹកឆ្នោតនៃយុទ្ធនាការបោះឆ្នោតសកលជ្រើសរើសប្រធានាធិបតីថ្មីរបស់កោះតៃវ៉ាន់ បានបញ្ចប់ដោយជោគជ័យ ហើយជាលទ្ធផលបានរកឃើញថា លោក Lai Ching-te មកពីគណបក្សវឌ្ឍនភាពប្រជាធិបតេយ្យ (DPP) បានទទួលជ័យជំនះយ៉ាងត្រជះត្រចង់ និងត្រៀមខ្លួនឡើងកាន់តំណែងជាប្រធានាធិបតីថ្មី បន្ទាប់ពីលោកស្រី Tsai Ing-wen ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជ័យជម្នះរបស់លោក Lai Ching-te តំណាងឱ្យព្រឹត្តិការណ៍ប្រជាធិបតេយ្យដែលមិនធ្លាប់មានពីមុនមក ព្រោះនេះជាលើកដំបូងដែលគណបក្សនយោបាយនៅតៃវ៉ាន់បានឈ្នះការបោះឆ្នោតប្រធានាធិបតី ចំនួនបីលើកជាប់ៗគ្នា។

លោក Lai Ching-te ដែលគេស្គាល់តាមរយៈឈ្មោះ William Lai បច្ចុប្បន្នមានអាយុ ៦៤ឆ្នាំ ជាបុគ្គលដែលមានកាយវិការទន់ភ្លន់ សម្ដីផ្អែម ជាប្រធាន​គណបក្សវឌ្ឍនភាពប្រជាធិបតេយ្យ (DPP)។

លោក Lai Ching-te ក៏ជាអតីតនាយករដ្ឋមន្ត្រី របស់លោកស្រីប្រធានាធិបតី Tsai Ing-wen ផងដែរ កាលពីឆ្នាំ ២០១៧ ដល់ ២០១៩ ។

នៅក្នុងយុទ្ធនាការឃោសនាបោះឆ្នោតប្រធានាធិបតី លោក Lai Ching-te បាននិយាយថា តៃវ៉ាន់សង្ឃឹមថានឹងក្លាយជាមិត្ត ជាមួយប្រទេសចិន។ លោកថា “យើងមិនចង់ក្លាយជាសត្រូវជាមួយគ្នាឡើយ (ជាមួយចិន) យើងចង់ក្លាយជាមិត្តនឹងគ្នា និងចង់ឃើញប្រទេសចិន រីករាយជាមួយលទ្ធិប្រជាធិបតេយ្យ ដូចយើងដែរ” ។ ជាមួយគ្នានេះ គណបក្សកាន់អំណាច DPP បានប្តេជ្ញារក្សាឯករាជ្យភាពនយោបាយរបស់តៃវ៉ាន់ ៕

ប្រែសម្រួលដោយ÷ ប៉ោ កុសល

ប្រភព÷ Bloomberg