ព័ត៌មានអន្ដរជាតិ

មេ Microsoft ថា ក្រោយចប់កូវីដ ពិភពលោកត្រូវប្រឈមមុខបញ្ហាធំ២ទៀត

បានផុស

៥ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

ប្រធានក្រុមហ៊ុន Microsoft លោក Bill Gates បានពន្យល់ពីរបៀបដែលពិភពលោកគួរតែឆ្លើយតប បន្ទាប់ពីជំងឺរាតត្បាតកូវីដ១៩បានបង្កឲ្យមានប៉ះពាល់ដល់មនុស្សរាប់លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ គាត់បានបង្ហាញថា មានបញ្ហាពីរបន្ថែមទៀតដែលផែនដីត្រូវប្រឈមមុខនៅពេលរួចផុតពីវិបត្តិជំងឺកូវីដ១៩។ នោះគឺការប្រែប្រួលអាកាសធាតុនិងអំពើភេរវកម្មជីវសាស្រ្ត។

នៅក្នុងសៀវភៅថ្មីរបស់គាត់ គាត់បានពន្យល់អំពីចម្លើយយ៉ាងច្បាស់ចំពោះអ្វី ដែលប្រជាជនគួរធ្វើរួមគ្នានៅទសវត្សរ៍ក្រោយ។

គាត់បង្ហាញពីមូលហេតុដែលមនុស្សត្រូវការកាត់បន្ថយការបំភាយកាបូនឲ្យដល់កម្រិតសូន្យ និងរបៀបឆ្លើយតបបន្ទាប់ពីរោគរាតត្បាតបានឈានដល់ទីបញ្ចប់នាពេលអនាគត។

លោកនិយាយថា ឧស្ម័នផ្ទះកញ្ចក់ចំនួន៥១កោដិត្រូវបានបន្ថែមទៅក្នុងបរិយាកាសជារៀងរាល់ឆ្នាំ ប៉ុន្តែផែនដីគួរតែមានទិសដៅដើម្បីបញ្ឈប់ការឡើងកម្តៅនិងទប់ស្កាត់ផលប៉ះពាល់អាក្រក់បំផុតពីការកើតឡើង។

លោកទទួលស្គាល់ថា គោលដៅដែលអាចទទួលយកបានគឺ កាត់បន្ថយការបំភាយឧស្ម័នឲ្យដល់កម្រិតសូន្យ។

គាត់បានសរសេរនៅក្នុងកាសែត The Guardian ថា “រឿងនេះស្តាប់ទៅពិបាក។ យើងចំណាយពេលមួយឆ្នាំកន្លងមកនេះ។ សកម្មភាពសេដ្ឋកិច្ចបានថយចុះយ៉ាងខ្លាំងដោយសារតែជំងឺកូវីដ១៩ ពិភពលោកនឹងបញ្ចេញឧស្ម័នផ្ទះកញ្ចក់តិចជាងមុន”។

ប៉ុន្តែការកាត់បន្ថយនឹងមានប្រហែល៥ភាគរយ ដែលនេះមានន័យថា កាបូនរាប់ពាន់លានតោននៅតែត្រូវបានបញ្ចេញ។