ព័ត៌មានអន្ដរជាតិ
មហាសេដ្ឋី Bill Gates ព្រមានជំងឺរាតត្បាតបន្ទាប់អាចជាវីរុសដែលស្គាល់ហើយ
នៅក្នុងបទសម្ភាសជាមួយកាសែត El Diario កាលពីថ្ងៃអាទិត្យ មហាសេដ្ឋីជាស្ថាបនិកក្រុមហ៊ុន Microsoft លោក Bill Gates បានព្រមានពីជំងឺរាតត្បាតបន្ទាប់អាចកើតមានឡើងពីវិរុសមួយដែលពិភពលោកបានដឹងរួចហើយ។
លោកបានលើកឡើងថា មានឱកាស៥០%ដែលវីរុសប៉េស្តបន្ទាប់អាចលេចឡើងក្នុងរយៈពេល២០ឆ្នាំខាងមុខ។ បន្ថែមលើមេរោគដែលបានស្គាល់ ជំងឺរាតត្បាតបន្ទាប់អាចជាភ្នាក់ងារជីវសាស្រ្តពុល (Bioterror) បង្កើតឡើងដោយមនុស្ស ឬអ្វីមួយដែលកើតចេញពីពិភពធម្មជាតិ ដោយសារតែការប្រែប្រួលអាកាសធាតុ។
កិច្ចខិតខំប្រឹងប្រែងសប្បុរសធម៌របស់លោក Gates ផ្តោតជាចម្បងលើវ៉ាក់សាំង និងការប្រែប្រួលអាកាសធាតុ។ លោកបានលើកឡើងថា ដើម្បីទប់ស្កាត់ជំងឺរាតត្បាតបន្ទាប់ បណ្តាប្រទេសនានាត្រូវតែចំណាយប្រាក់រាប់ពាន់លានដុល្លារអាមេរិកសម្រាប់ការស្រាវជ្រាវលើភ្នាក់ងារបង្ករជំងឺដ៏មានសក្តានុពល និងបានអំពាវនាវឲ្យមានការបង្កើតក្រុមឯកទេសពិសេសដែលមានសមាជិក៣០០០នាក់ដើម្បីធ្វើកិច្ចការនេះនៅក្នុងសៀវភៅរបស់លោកដែលបានបោះពុម្ពកាលពីដើមខែនេះ។
ក្រុមការងារដែលមានឈ្មោះថា GERM (ការឆ្លើយតបនិងការចល័តលើជំងឺរាតត្បាតសកល) នឹងទទួលបានមូលនិធិតាមរយៈអង្គការសុខភាពពិភពលោក (WHO) ដែលនឹងត្រូវការប្រាក់បន្ថែម១ពាន់លានដុល្លារអាមេរិកក្នុងមួយៗឆ្នាំ ដែលកើនឡើង២៥% ដូច្នេះក្រុមនេះអាចឃ្លាំមើលជានិច្ចសម្រាប់ការផ្ទុះឡើងដ៏មានសក្តានុពល។
ខណៈពេលប្រព័ន្ធផ្សព្វផ្សាយបានថយចុះអំពីជំងឺកូវីដ-១៩ និងផ្តោតលើជំងឺអុតស្វាជាវីរុសប៉េស្តឃាតកបន្ទាប់ លោក Gates បានលើកឡើងថា ជំងឺអុតស្វាមិនមានគ្រោះថ្នាក់ខ្លាំងនោះទេ។
លោកបានកត់សំគាល់ថា មានឱកាសតិចតួចដែលវាក្លាយជាជំងឺរាតត្បាតខ្លាំងបន្ទាប់។ ទោះជាយ៉ាងណា លោកបានលើកឡើងថា ប្រសិនបើគ្មានការផ្ទុះឡើងទេ អ្នកសារព័ត៌មានក៏មិនផ្សព្វផ្សាយដែរ៕
ប្រែសម្រួល៖ វីរបុត្រ
ប្រភព៖ RT
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ