KPT+
ទើបអាយុ ២៣ឆ្នាំ កូនប្រុស Bill Gates បញ្ចប់អនុបណ្ឌិតជំនាញល្អមួយ ថែមទាំងចេះ ៣ភាសាយ៉ាងស្ទាត់
Rory John Gates កូនប្រុសតែមួយគត់របស់មហាសេដ្ឋី Bill Gates និងអតីតភរិយាអ្នកស្រី Melinda French Gates ជាបុរសមានកំណត់ត្រាសិក្សាគួរឱ្យសរសើរ ថែមទាំងចេះនិយាយ ៣ភាសាយ៉ាងស្ទាត់ជំនាញទៀតផង។
ថ្មីៗនេះ បងស្រីធំ Jennifer Gates បានបង្ហោះរូបថត ៣បងប្អូននៅលើបណ្តាញសង្គមរបស់នាង។ វាជារូបដែលនាងនិងប្អូនស្រីពៅបានចូលរួមក្នុងពិធីបញ្ចប់ការសិក្សារបស់ប្អូនប្រុសទី២ Rory Gates ។ ក្រៅពីអបអរសាទរដល់ប្អូនប្រុសតែមួយ នាងបញ្ជាក់ថា Rory បានបញ្ចប់ការសិក្សាថ្នាក់អនុបណ្ឌិតពីសាកលវិទ្យាល័យ Chicago បន្ទាប់ពីសិក្សានៅទីនេះរយៈពេល ៤ឆ្នាំ។
ពីមុនមកគេដឹងថា Rory Gates ធ្លាប់សិក្សានៅសាលា Lakeside School ក្នុងទីក្រុង Seattle រដ្ឋវ៉ាស៊ីតោន ដូចឪពុក និងបងប្អូនស្រីរបស់គេដែរ។ បច្ចុប្បន្ន Rory ទទួលបានសញ្ញាបត្រផ្នែកវិទ្យាសាស្ត្រកុំព្យូទ័រ និងសេដ្ឋកិច្ចពីសាកលវិទ្យាល័យ Duke (North Carolina) ។ លើសពីនេះទៀត គេក៏ទទួលបានបរិញ្ញាបត្រជាន់ខ្ពស់ផ្នែកគ្រប់គ្រងធុរកិច្ច (MBA) ពីសាលាធុរកិច្ច Fuqua។ ជំនាញនេះត្រូវបានគេចាត់ទុកជាជំនាញមួយក្នុងចំណោមកម្មវិធី MBA ល្អបំផុតទាំង ១០ នៅលើពិភពលោក។
មិនត្រឹមតែមានប្រវត្តិអប់រំល្អនោះទេ Rory ក៏ស្ទាត់ជំនាញភាសាបរទេសក្រៅពីអង់គ្លេស ៣ទៀតរួមមាន អាល្លឺម៉ង់ អេស្ប៉ាញ និងអៀរឡង់។ លើសពីនេះ បុរសវ័យ ២៣ឆ្នាំនេះ ក៏មានទេពកោសល្យលើជំនាញមួយចំនួនទៀតដូចជា ការសរសេរកំណាព្យ ឬអានកំណាព្យ លេងល្បែងផ្គុំពាក្យ និងបើកយន្តហោះដោយផ្ទាល់ដៃរបស់គេផងដែរ។
ដោយសារប្រវត្តិគ្រួសារ ការអប់រំ បូករួមនឹងទេពកោសល្យ ជាមួយនឹងបុគ្គលិកលក្ខណៈឯករាជ្យ ព្រមទាំងភាពឆ្លាតវៃផងនោះ Rory Gates ត្រូវមនុស្សជាច្រើនទស្សន៍ទាយថា នឹងក្លាយជាប្រធានក្រុមហ៊ុន Microsoft ក្នុងរយៈពេលប៉ុន្មានឆ្នាំខាងមុខនេះ៕
ប្រែសម្រួល៖ សន្យា
ចុចអាន៖ កើតក្នុងត្រកូលអភិជនមែនពិត កូនប្រុសតែមួយមហាសេដ្ឋី Bill Gates ប្រើជីវិតសាមញ្ញបំផុត
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល