ព័ត៌មានអន្ដរជាតិ
កាណាដា ពិចារណាលែងអនុវត្តការស្នើសុំបញ្ចប់ជីវិតពីអ្នកជំងឺផ្លូវចិត្ត
រដ្ឋាភិបាលប្រទេសកាណាដា កាលថ្ងៃចន្ទ ទី២៩ ខែមករា ឆ្នាំ២០២៤ បានប្រកាសថា ប្រជាពលរដ្ឋដែលគ្រាន់តែមានបញ្ហាជំងឺផ្លូវចិត្ត ហើយស្នើសូមជំនួយបញ្ចប់ជីវិត គឺនឹងលែងអនុញ្ញាតឲ្យទៀតឡើយ ដោយត្រូវពន្យារក្នុងរយៈពេលណាមួយដោយគ្មានការកំណត់ ។
ប្រភពសារព័ត៌មាន Reuters បានឲ្យដឹងថា ការប្រកាសខាងលើនេះ បានធ្វើឡើងក្រោយពេលដែលគណៈកម្មាធិការសភាកាណាដាបានប្រជុំសម្រេចថា នីតិវិធីខាងលើមិនទាន់រួចរាល់នោះទេសម្រាប់អនុវត្តលើប្រព័ន្ធសុខាភិបាលនៅទូទាំងប្រទេស។
រដ្ឋមន្រ្តីក្រសួងសុខាភិបាល លោក Mark Holland បានផ្តល់បទសម្ភាសដល់អ្នកសារព័ត៌មាននៅរដ្ឋធានីអូតាវ៉ា ថា រដ្ឋាភិបាលនឹងពិភាក្សាសម្រេចលម្អិតនូវរយៈពេលដែលពន្យារពេល សំណើរសុំបញ្ចប់ជីវិតនោះ ក្នុងពេលឆាប់ៗខាងមុខ ។ “ពួកយើងយល់ស្របតាមគណៈកម្មាធិការសភា ដែលសម្រេចថានឹងដាក់ពេលពន្យារបន្ថែម ហើយពួកយើងនឹងសម្រេចថា តើរយៈពេលប៉ុន្មានដែលត្រូវពន្យារច្បាស់លាស់”។ នេះបើតាមសម្តីរបស់លោករដ្ឋមន្រ្តីខាងលើ។
ប្រទេសកាណាដាបានដាក់ឲ្យស្របច្បាប់នូវ នីតិវិធីស្នើសូមបញ្ចប់ជីវិត តាំងពីឆ្នាំ២០១៦។ ការស្នើសុំនេះ គឺគេអនុវត្តតែទៅលើអ្នកជំងឺដែលដល់ដំណាក់កាលចុងក្រោយប៉ុណ្ណោះ ។ រហូតមកដល់ឆ្នាំ២០២១ កាណាដាក៏អនុវត្តនីតិវិធីនេះ សម្រាប់អ្នកស្នើសុំបញ្ចប់ជីវិតនៅក្នុងលក្ខខណ្ឌមិនមែនដំណាក់កាលចុងក្រោយ ប៉ុន្តែជាជំងឺមិនអាចព្យាបាលបាន និងបន្តអនុវត្តរហូតមកដល់អស់សុពលភាពកាលពីខែមីនា ឆ្នាំ២០២៣ ទើបមានការដាក់ឲ្យពិភាក្សាវែកញែកឡើងវិញទៅលើករណីខាងលើនេះ ។
គួររំឭកថា ក្រៅពីប្រទេសកាណាដា ការអនុវត្តនីតិវិធីបញ្ចប់ជីវិតក្នុងវិស័យវេជ្ជសាស្រ្តតាមសំណើរបស់អ្នកជំងឺ ក៏មានបណ្តាប្រទេសមួយចំនួនអនុញ្ញាតផងដែរដូចជា ប្រទេសអូទ្រីស បែលហ្ស៊ិក អាល្លឺម៉ង់ ហូឡង់ ព័រទុយហ្គាល់ អេស្ប៉ាញ ស្វីស រដ្ឋមួយចំនួនរបស់សហរដ្ឋអាមេរិក និងរដ្ឋចំនួន ៦ នៃប្រទេសអូស្រ្តាលី ៕
ដោយ៖ មាន រតនា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ