ព័ត៌មានអន្ដរជាតិ
វៀតណាម ពិចារណាប្រមូលទិញគ្រួសខ្សាច់ពី កម្ពុជា យកទៅសង់ផ្លូវល្បឿនលឿន
រដ្ឋាភិបាលវៀតណាមបានស្នើទៅក្រសួងដឹកជញ្ជូន និងក្រសួងការបរទេសឲ្យប្រមូលទិញខ្សាច់ និងគ្រួសពីប្រទេសកម្ពុជាដើម្បីយកមកសាងសង់លើគម្រោងផ្លូវល្បឿនលឿននៅតំបន់ដីសណ្ដទន្លេមេគង្គ ។ នេះបើយោងតាមចេញផ្សាយដោយសារព័ត៌មាន VN Express កាលពីថ្ងៃទី៧ ខែកុម្ភៈកន្លងទៅ ។
នៅក្នុងសេចក្ដីសម្រេចនៃកិច្ចប្រជុំរបស់រដ្ឋាភិបាលកាលពីថ្ងៃអង្គារកន្លងទៅបានឲ្យដឹងថា ក្រសួងដឹកជញ្ជូនក៏នឹងត្រូវស្នើសុំឲ្យជួយសម្រួល និងដោះស្រាយបញ្ហាប្រឈមទាក់ទងនឹងការប្រើប្រាស់ ការផ្គត់ផ្គង់គ្រឿងសំណង់ ព្រមទាំងជួយជ្រោមជ្រែងវិនិយោគិន ក៏ដូចជាអ្នកម៉ៅការដើម្បីពន្លឿនការទិញ និងសាងសង់នេះ ប៉ុន្តែក៏ត្រូវមើលបញ្ហាផលប៉ះពាល់ក្នុងមូលដ្ឋានផងដែរ ។
កាលពីខែតុលា ឆ្នាំ២០២៣ ក្រុមហ៊ុន TNT Group បានស្នើទៅនាយករដ្ឋមន្ត្រីវៀតណាមឲ្យនាំចូលខ្សាច់ដែលមានគុណភាពពីប្រទេសកម្ពុជាប្រមាណ ៣ ទៅ ៥ ម៉ឺនម៉ែត្រគូបសម្រាប់គម្រោងផ្លូវល្បឿនលឿននៅតំបន់ដីសណ្តទន្លេមេគង្គ ហើយក្រុមហ៊ុនក៏បានស្នើឲ្យមានយន្តការកាន់តែប្រសើរឡើងទាក់ទងនឹងនីតិវិធីរដ្ឋបាល និងប្រភពឥណទាន ដើម្បីអាចឲ្យក្រុមហ៊ុននាំចូលខ្សាច់ក្នុងបរិមាណកាន់តែច្រើន ។
ទន្ទឹមនោះ សំណើនេះក៏ត្រូវបានធ្វើឡើង បន្ទាប់ពីគម្រោងផ្លូវល្បឿនលឿនមួយចំនួននៅតំបន់ដីសណ្តទន្លេមេគង្គកំពុងខ្វះខ្សាច់ ខណៈតំណាងនាយកដ្ឋានគ្រឿងសំណង់បានលើកឡើងថា ការនាំចូលខ្សាច់ពីប្រទេសកម្ពុជានឹងសម្រេចទៅបាន នៅពេលដែលភាគីវៀតណាមបំពេញគ្រប់លក្ខខណ្ឌច្បាប់ពាក់ព័ន្ធនឹងការនាំចូល ។
គួរបញ្ជាក់ថា ខ្សាច់ប្រហែល ២ ទៅ ៤ លានម៉ែត្រគូបដែលបូមពីទន្លេមេគង្គលើបានដឹកទៅដល់ប្រទេសវៀតណាមតាមរយៈទន្លេ Tien និងទន្លេ Hau ប៉ុន្តែទោះជាយ៉ាងណាក៏ដោយ ប្រសិនបើតម្រូវការ ក៏ដូចជាការផ្គត់ផ្គត់ខ្សាច់ដើម្បីចាក់បំពេញក្នុងគ្រោងការសាងសង់នៅតំបន់ដីសណ្តទន្លេមេគង្គ នៅតែមានកម្រិតតួចតួចដដែលនោះ មានន័យថា គម្រោងផ្លូវល្បឿនលឿនមួយចំនួនអាចនឹងត្រូវពន្យារពេល ដោយសារតែបញ្ហាខ្វះខ្សាច់នេះឯង ៕
ដោយ ៖ សុខ ជីវ័ន្ត
ចុចអាន ៖ វិស័យអចលនទ្រព្យនៅ វៀតណាម កំពុងដាំក្បាលចុះក្រោម ត្រឹមខែមករា បិទទ្វារ ២ ពាន់កន្លែង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ