ព័ត៌មានអន្ដរជាតិ
ដំណឹងល្អសម្រាប់អង់គ្លេស! អត្រាឆ្លងកូវីដទូទាំងប្រទេស ធ្លាក់ចុះរហូតដល់ទៅ២ភាគ៣
ទិន្នន័យថ្មីបានបង្ហាញថា ការឆ្លងជំងឺកូវីដ១៩បានធ្លាក់ចុះយ៉ាងខ្លាំងនៅទូទាំងប្រទេសអង់គ្លេស លើកលែងតែនៅភាគខាងជើងប៉ុណ្ណោះ។
ការសិក្សាឃ្លាំមើលធំបំផុតបានបង្ហាញថា ការឆ្លងបានធ្លាក់ចុះ២ភាគ៣នៅទូទាំងប្រទេស ចន្លោះខែមករាដល់ខែកុម្ភៈ។
ក្រុមអ្នកស្រាវជ្រាវនៅសកលវិទ្យាល័យ Imperial College London បានសន្និដ្ឋានថា ទំហំនៃការផ្ទុះឡើងនៃវីរុសក្នុងប្រទេសអង់គ្លេស បានថយចុះពាក់កណ្តាលរៀងរាល់ពីរសប្តាហ៍ម្តង។
អ្នកដឹកនាំការសិក្សា លោកសាស្ត្រាចារ្យ Paul Elliott បាននិយាយថា “លទ្ធផលលើកទឹកចិត្តទាំងនេះបង្ហាញថា វិធានការរឹតត្បិត មានប្រសិទ្ធិភាពទប់ស្កាត់ការឆ្លងរោគ។ វាត្រូវបានធានាថា ការកាត់បន្ថយចំនួននៃការឆ្លង បានកើតឡើងនៅគ្រប់វ័យនិងនៅតំបន់ភាគច្រើនទូទាំងប្រទេស”។
អត្រារាតត្បាតបានធ្លាក់ចុះពីរភាគបី បើប្រៀបធៀបទៅនឹងរបាយការណ៍ចុងក្រោយរបស់ REACT ដែលរាយការណ៍ក្នុងរយៈពេលពីថ្ងៃទី៦ដល់២២ខែមករា។
ការសិក្សាចុងក្រោយដែលធ្វើរួមគ្នាជាមួយ Ipsos MORI បានរកឃើញថា ឥឡូវនេះ មនុស្សម្នាក់ក្នុងចំណោម១៩៦នាក់ មានជំងឺកូវីដ១៩នៅទូទាំងប្រទេស។
ការធ្លាក់ចុះនេះគឺលឿនដូចអ្វីដែលបានឃើញក្នុងអំឡុងពេល បិទប្រទេសជាលើកដំបូងហើយមុនពេលដែលប្រសិទ្ធិភាពនៃការចាក់វ៉ាក់សាំងត្រូវបានគេរំពឹងថានឹងបង្ហាញក្នុងទិន្នន័យនៅសប្តាហ៍ក្រោយ៕
ប្រែសម្រួលដោយ៖ Vann Vann
ប្រភព៖ Mirror
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៦ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៤ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ