បណ្ដាញសង្គមចំនួន៣របស់ក្រុមហ៊ុន Meta ដូចជា Facebook, Instagram និង Threads កំពុងជួបបញ្ហាទូទាំងពិភពលោក

ខណ:ពេលនេះបណ្ដាញសង្គមចំនួន៣របស់ក្រុមហ៊ុន Meta មានដូចជា Facebook, Instagram និង Threads កំពុងជួបបញ្ហានៅទូទាំងពិភពលោក ដោយអ្នកប្រើប្រាស់ពុំអាចចូលប្រើគណនីរបស់ពួកគេបានឡើយ ។

យោងតាមសារព័ត៌មានបច្ចេកវិទ្យា The Verge បានចុះផ្សាយមុននេះបន្តិចថា  សម្រាប់បណ្ដាញសង្គម Facebook ហាក់ដូចជាកំពុងលុបចោលនូវគណនីអ្នកប្រើប្រាស់ ធ្វើឱ្យអ្នកប្រើប្រាស់មិនអាចចូលគណនីរបស់ពួកគេបានឡើយ ។ ចំណែក Instagram ដូចជាកំពុងលុបទិន្នន័យរបស់អ្នកប្រើប្រាស់ដូចជារូបថត និងវីដេអូឃ្លីប ។ 

យ៉ាងណាមិញជុំវិញបញ្ហាខាងលើ The Verge បាននិយាយថា ខ្លួនពុំអាចសុំការអត្ថាធិប្បាយពីក្រុមហ៊ុន Meta បានឡើងក្នុងពេលនេះ ហើយតាមការសន្និដ្ឋានអាចបណ្ដាលមកពីក្រុមហ៊ុនបណ្ដាញសង្គមយក្សរបស់អាមេរិកមួយនេះ កំពុងជួសជុលបណ្ដាញណាមួយ ។

ជាមួយគ្នានេះ បើយើងតាមសារពី Facebook បានជូនដំណឹងយ៉ាងដូច្នេះថា “ថ្ងៃនេះ Facebook បានជួបបញ្ហា សម្រាប់មនុស្សជាច្រើនមិនអាចប្រើប្រាស់បានក្នុងរយៈពេលប្រហែល ២ ម៉ោងកន្លះ។ ហើយនេះជាការជាប់គាំងដ៏អាក្រក់បំផុតមួយក្នុងរយៈពេលជាង ៤ ឆ្នាំ ហើយយើងសុំទោស ចំពោះបញ្ហាលើកដំបូងនេះផងដែរ”។

សារខាងលើបានបញ្ជាក់ថា បញ្ហាដែលកំពុងកើតឡើងគឺបណ្ដាលមកពីការដាច់ភ្លើង ហើយក៏មានបញ្ហាជាច្រើនទៀតមុននឹងឈានដល់ការដាច់ភ្លើងនេះផងដែរ។ Facebook  បន្ថែមថា “យើងក៏ចង់ផ្តល់ព័ត៌មានលម្អិតអំពីបច្ចេកទេសបន្ថែមទៀតអំពីអ្វីដែលបានកើតឡើង និងចែករំលែកមេរៀនដ៏ធំមួយនេះ”។

ប្រែសម្រួលដោយ÷ ប៉ោ កុសល