ព័ត៌មានអន្ដរជាតិ
មនុស្ស ១,៥០០ នាក់ជម្លៀសចេញពី ហៃទី ក្រោយផ្ទុះអំពើហិង្សាកាន់តែធ្ងន់
សហគមន៍មនុស្សធម៌របស់អង្គការសហប្រជាជាតិបាននិយាយកាលពីថ្ងៃអង្គារថា ការកើនឡើងនៃអំពើហិង្សានាពេលថ្មីៗនេះក្នុងសង្កាត់ជាច្រើននៅទីក្រុង Port-au-Prince នៃប្រទេសហៃទីបានធ្វើឲ្យមនុស្សចំនួន ១៥,០០០ នាក់ត្រូវជម្លៀសចេញ ។ នេះបើយោងតាមការចេញផ្សាយរបស់សារពត៌មាន Xinhua កាលពីថ្ងៃទី៥ ខែមិនា ។
![](https://www.kampucheathmey.com/wp-content/uploads/2024/03/tag_reuters.com2024_newsml_LYNXNPEK240EH_12024-03-05T120228Z_1_LYNXNPEK240EH_RTROPTP_3_HAITI-VIOLENCE.jpg)
ការិយាល័យអង្គការសហប្រជាជាតិសម្រាប់កិច្ចការសម្របសម្រួលកិច្ចការមនុស្សធម៌ (OCHA) បាននិយាយថា តួលេខនេះគ្រាន់តែជាមនុស្សមួយចំនួនក្នុងចំណោមប្រជាជន ៥.៥ លាននាក់ប៉ុណ្ណោះ ខណៈជិតពាក់កណ្តាលនៃចំនួនប្រជាជនរបស់ប្រទេសហៃទី កំពុងត្រូវការជំនួយមនុស្សធម៌ ។
![](https://www.kampucheathmey.com/wp-content/uploads/2024/03/image1170x530cropped.jpg)
ទន្ទឹមនោះ កម្មវិធីស្បៀងអាហារពិភពលោក និងដៃគូរបស់ខ្លួនរាយការណ៍ដែរថាបានផ្តល់អាហារចំនួន ៥,៥០០ កញ្ចប់ដល់មនុស្ស ៣,០០០ នាក់ដែលរស់នៅក្នុងកន្លែងផ្លាស់ទីលំនៅថ្មីចំនួន ៣ ។ ជាមួយគ្នានេះ អង្គការអន្តរជាតិសម្រាប់ទេសន្តរប្រវេសន៍ក៏បានចាប់ផ្តើមចែកសម្ភារៈជម្រកបណ្ដោះអាសន្នដល់ប្រជាពលរដ្ឋជាង ៣០០ គ្រួសារផងដែរ ទោះបីជាមានឧបសគ្គផ្នែកសន្តិសុខក៏ដោយ ហើយដៃគូមនុស្សធម៌បានចាប់ផ្តើមឆ្លើយតបដោយការផ្តល់នូវអាហារ អនាម័យ និងឧបករណ៍សុខភាពដូចជា ពូក ភួយ និងចង្កៀងជាដើម ។
![](https://www.kampucheathmey.com/wp-content/uploads/2024/03/gnc05726-1920.jpg)
គួរបញ្ជាក់ថា សហគមន៍មនុស្សធម៌នៅប្រទេសហៃទីក៏បានអំពាវនាវឲ្យភាគីទាំងអស់បញ្ឈប់ជាបន្ទាន់ចំពោះអំពើហិង្សា ដើម្បីអនុញ្ញាតឲ្យប្រជាជនទទួលបានជំនួយ និងគោរពសិទ្ធិមនុស្ស បទដ្ឋាន និងស្តង់ដារមនុស្សធម៌ ខណៈផែនការឆ្លើយតបមនុស្សធម៌សម្រាប់ប្រទេសហៃទីនៅឆ្នាំនេះទាមទារប្រាក់ចំនួន ៦៧៤ លានដុល្លារអាមេរិក ប៉ុន្តែមូលនិធិផ្ដល់ឲ្យបានត្រឹមតែ ២.៥ ភាគរយប៉ុណ្ណោះ ៕
![](https://www.kampucheathmey.com/wp-content/uploads/2024/03/haiti-pic-pbn-1920.jpg)
អត្ថបទ ៖ ប៊ុន សុភាព
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក