ព័ត៌មានអន្ដរជាតិ
FBI បារម្ភខ្លាច អាមេរិក ផ្ទុះការវាយប្រហារភេរវកម្មដូចនៅ រុស្ស៊ី ដែរ
FBI មានការព្រួយបារម្ភអំពីលទ្ធភាពនៃការវាយប្រហារនៅក្នុងសហរដ្ឋអាមេរិកស្រដៀងនឹងការវាយប្រហារដែលបានសម្លាប់មនុស្សរាប់សិបនាក់នៅឯសាលប្រគុំតន្ត្រីរុស្ស៊ីកាលពីខែមុន ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី១២ ខែមេសានេះ ។
លោក Christopher Wray មេ FBI បានប្រាប់ក្រុមសមាជិកសភានៅក្នុងសក្ខីកម្មជាលាយលក្ខណ៍អក្សរថា មន្ត្រីអាមេរិកមានការព្រួយបារម្ភអំពីលទ្ធភាពនៃការវាយប្រហារដែលធ្វើឡើងដោយបុគ្គល ឬក្រុមមួយចំនួនតូចដែលត្រូវបានបំផុសគំនិតដោយសង្គ្រាមរវាងអ៊ីស្រាអែល និងក្រុមហាម៉ាសនៅតំបន់ហ្គាហ្សា ។
ការវាយប្រហារដោយក្រុម ISIS-K កាលពីថ្ងៃទី២២ ខែមីនាលើសាលប្រគុំតន្ត្រីនៅជាយក្រុងមូស្គូបានសម្លាប់មនុស្សយ៉ាងហោចណាស់ ១៤៤ នាក់ ដែលជាចំនួនមនុស្សស្លាប់ច្រើនបំផុតមិនធ្លាប់មាននៅក្នុងប្រទេសរុស្ស៊ីក្នុងរយៈពេល ២០ ឆ្នាំចុងក្រោយនេះ ។ ទោះយ៉ាងណាល ប្រធានាធិបតីរុស្ស៊ីលោក វ្ល៉ាឌីមៀរ ពូទីន មិនបានទទួលស្គាល់ការទទួលខុសត្រូវពីក្រុមនេះនោះទេ តែបានព្យាយាមស្តីបន្ទោសអ៊ុយក្រែនទៅវិញ ស្របពេលត្រឹមឆ្នាំ ២០២៣ FBI បានបញ្ចេញរបាយការណ៍ថា មានករណីភេរវកម្មអន្តរជាតិចំនួន ៤,០០០ ករណីត្រូវបានផ្ទុះឡើង ។
គួរបញ្ជាក់ថា FBI បានក្លាយជាគោលដៅចម្បងរបស់អតីតប្រធានាធិបតីសាធារណរដ្ឋ Donald Trump និងសម្ព័ន្ធមិត្តរបស់គាត់ ដោយអតីតប្រធានាធិបតីរូបនេះបានចោទប្រកាន់ FBI ថា បានកំណត់គោលដៅវាយប្រហារលោកដោយអយុត្តិធម៌ ខណៈពេលដែលលោកកំពុងទន់ខ្សោយជាមួយសត្រូវនយោបាយ ។
ទន្ទឹមនោះ លោក Trump ក៏បានអំពាវនាវឲ្យសភាកាត់បន្ថយការផ្តល់មូលនិធិរបស់ទីភ្នាក់ងារនេះផងដែរ ខណៈការកើនឡើងនូវវោហាសាស្ត្រនយោបាយប្រឆាំងនឹង FBI បាននាំឲ្យមានការកើនឡើងនៃការគំរាមកំហែងដល់បុគ្គលិករបស់ខ្លួន ៕
អត្ថបទ ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា