ព័ត៌មានអន្ដរជាតិ
សង្ក្រាន្តនៅបាងកក បន្សល់សំរាម ជាង ៥ម៉ឺនតោន
តាមការចុះផ្សាយរបស់ The Nation, រដ្ឋបាលក្រុងបាងកក បានចេញរបាយការណ៍នៅថ្ងៃពុធទី១៧ខែមេសា ដោយបង្ហាញថា មនុស្សដែលចូលរួមលេងសប្បាយក្នុងពិធីបុណ្យសង្ក្រាន្តទូទាំងទីក្រុងនេះ បានបន្សល់ទុកនូវសំរាមប្រមាណ ៥១ ០០០តោន។
រដ្ឋបាលក្រុងនិយាយថា តួលេខឆ្នាំ២០២៤នេះ គឺគិតចាប់ពីថ្ងៃទី១២ដល់ថ្ងៃទី១៥ខែមេសា ហើយបើធៀបទៅនឹងឆ្នាំមុនវិញ សំរាមឆ្នាំនេះគឺខ្ពស់ជាងឆ្នាំមុនប្រហែល ១ ០០០តោន។
គ្រាន់តែនៅលើផ្លូវ Khao San ដែលជាកន្លែងប្រារព្ធពិធីសង្ក្រាន្តធំបំផុតមួយក្នុងទីក្រុងបាងកក គឺមានសំរាមរហូតដល់៥៨តោនទៅហើយ។
តាមការបញ្ជាក់ពីអភិបាលក្រុងបាងកក លោក Chadchart Sittipunt, រថយន្តបាញ់ទឹកចំនួន៦គ្រឿង និងមន្ត្រីក្រុងជាច្រើននាក់ ត្រូវបានដាក់ពង្រាយ ដើម្បីសម្អាតទីតាំងទេសចរណ៍នេះ។
ក្រៅពីបញ្ហាសំរាម, គ្រោះថ្នាក់ចរាចរណ៍ក៏ជាកត្តាដ៏ព្រួយបារម្ភមួយផងដែរសម្រាប់ប្រទេសថៃ ដោយគ្រោះថ្នាក់ចរាចរណ៍ បានសម្លាប់មនុស្សចំនួន២៤៣នាក់ និងរបួស១ ៨៣៧ នាក់ក្នុងរយៈពេល ៦ ថ្ងៃនៃពិធីបុណ្យសង្ក្រាន្ត។
រដ្ឋមន្ត្រីក្រសួងអប់រំ លោក Permpoon Chidchob គូសបញ្ជាក់ថា មានករណីគ្រោះថ្នាក់ចរាចរណ៍ចំនួន ១ ៨១១លើកចាប់ពីថ្ងៃទី១១ដល់ថ្ងៃទី១៦ខែមេសា ដោយក្នុងនោះ មានគ្រោះថ្នាក់ចរាចរណ៍រវាងម៉ូតូនិងម៉ូតូ រហូតដល់៨៤.៩% ខណៈ ឈៀងរ៉ៃ គឺជាខេត្តមានករណីគ្រោះថ្នាក់ច្រើនជាងគេ ពោលគឺ ៧១លើកនិងមនុស្សស្លាប់ច្រើនជាងគេ គឺ១៥នាក់។
របាយការណ៍របស់អង្គការសុខភាពពិភពលោក (WHO) ក្នុងឆ្នាំ ២០១៨ បានឲ្យដឹងថា ថៃគឺជាប្រទេសមានមនុស្សស្លាប់ដោយសារគ្រោះថ្នាក់ចរាចរណ៍ច្រើនបំផុតនៅអាស៊ីអាគ្នេយ៍ និងជាប់លេខ៩លើពិភពលោក ពោលគឺប្រហែល២០ ០០០នាក់ក្នុងមួយឆ្នាំ ឬ៥៦នាក់ក្នុងមួយថ្ងៃ៕
អត្ថបទ៖ សុខ សុវណ្ណ
-
ព័ត៌មានជាតិ៦ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៦ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១ សប្តាហ៍ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៦ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ៧ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៥ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
ជីវិតកម្សាន្ដ៦ ថ្ងៃ ago
កូនប្រុសតារាហុងកុង Cecilia Cheung វ័យ១៧ ឆ្នាំ ណាត់ជួបជាមួយគ្រូអាយុ ៤៦ ឆ្នាំ
-
ព័ត៌មានជាតិ១ សប្តាហ៍ ago
មកដឹងពីដើមកំណើត និងអត្ថន័យ នៃល្បែងទាញព្រ័ត្រ