ព័ត៌មានអន្ដរជាតិ

កូរ៉េខាងជើង រិះគន់អាមេរិក ដែលឲ្យមីស៊ីលចម្ងាយឆ្ងាយទៅអ៊ុយក្រែន

បានផុស

២ years មុន

នៅ

ថ្ងៃចន្ទ ២៩ មេសា ២០២៤

ដោយ

Chheang

រដ្ឋាភិបាលក្រុងព្យុងយ៉ាងរបស់លោក គីម ជុងអ៊ុន បានធ្វើការរិះគន់ចំៗទៅកាន់សហរដ្ឋអាមេរិក ដែលបានផ្គត់ផ្គង់មីស៊ីលរយៈចម្ងាយឆ្ងាយទៅឲ្យប្រទេសអ៊ុយក្រែន។ នេះបើយោងតាមការចុះផ្សាយរបស់សារព័ត៌មានកូរ៉េខាងជើង KCNA ដែលធ្វើបទសម្ភាសន៍ជាមួយមន្ត្រីក្រសួងការពារជាតិ នៅថ្ងៃទី២៩ ខែមេសា។

លោក គីម ជុងអ៊ុន មេដឹកនាំកូរ៉េខាងជើង (រូបថត៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធាននាយកដ្ឋានកិច្ចការយោធាអន្តរជាតិនៃក្រសួងការពារជាតិកូរ៉េខាងជើង បាននិយាយថា “អាមេរិកបានលួចផ្ដល់មីស៊ីលចម្ងាយឆ្ងាយទៅអ៊ុយក្រែន ដែលនេះជាការបញ្ឆេះភាពមិនស្រណុកចិត្ត និងក្ដីកង្វល់នៃសហគមន៍អន្តរជាតិ”។ មន្ត្រីរូបនេះ បានបន្តថា “អាមេរិកមិនអាចកម្ចាត់កងទ័ពនិងប្រជាជនរុស្ស៊ីដ៏អង់អាចក្លាហានបាននោះទេ បើទោះជាមានការគាំទ្រយោធា ឬសព្វាវុធទំនើបណាមួយក៏ដោយ”។

កាលពីថ្ងៃទី២៤ ខែមេសាកន្លងទៅ មន្ត្រីអាមេរិក បានឲ្យដឹងថា មីស៊ីលដែលអាមេរិកឲ្យអ៊ុយក្រែនដោយសម្ងាត់ មានសមត្ថភាពអាចបាញ់ចម្ងាយឆ្ងាយដល់ ៣០០គីឡូម៉ែត្រឯណោះ ហើយវាជាកញ្ចប់ជំនួយផ្នែកសព្វាវុធតម្លៃ ៣០០លានដុល្លារ ដែលអនុម័តដោយលោកប្រធានាធិបតី ចូ បៃឌិន កាលពីខែមីនា។

សូមរំឭកថា ចំណងយោធារវាងកូរ៉េខាងជើង និងរុស្ស៊ី កំពុងរឹតបន្តឹងយ៉ាងល្អូកល្អឺនគួរឲ្យកត់សម្គាល់ ដែលធ្វើឲ្យសហរដ្ឋអាមេរិក និងសម្ព័ន្ធមិត្ត យល់ឃើញថា នេះជារឿងគួរព្រួយបារម្ភទៅវិញនៅក្នុងឧបទ្វីបកូរ៉េ៕

ដោយ៖ ឈាង

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា