Connect with us

ព័ត៌មានអន្ដរជាតិ

ប្រធានហិរញ្ញវត្ថុ G7 ស្វែងរកវិធីប្រើទ្រពសម្បតិ្តបង្កករុស្ស៊ី

បានផុស

នៅ

កិច្ចប្រជុំប្រធានហិរញ្ញវត្ថុ G7 នៅក្នុងប្រទេសអ៊ីតាលីក្នុងសប្តាហ៍នេះ នឹងព្យាយាមស្វែងរកវិធីរួមអំពីរបៀបប្រើប្រាស់ទ្រព្យសម្បត្តិបង្កករបស់រុស្ស៊ី ដើម្បីជួយដល់កិច្ចខិតខំប្រឹងប្រែងធ្វើសង្គ្រាមរបស់អ៊ុយក្រែន ។ នេះបើយោងតាមការចេញផ្សាយរបស់ទីភ្នាក់ងារសារពត៌មាន​ Reuters នៅថ្ងៃទី ២៣ ខែ ឧសភា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះនឹងមានរដ្ឋមន្ត្រីហិរញ្ញវត្ថុ និងធនាគារកណ្តាលមកពី G7 ដូចជា សហរដ្ឋអាមេរិក ជប៉ុន អាល្លឺម៉ង់ បារាំង អង់គ្លេស អ៊ីតាលី និងកាណាដា នៅទីក្រុង Stresa ភាគខាងជើងនៃប្រទេសអ៊ីតាលីនៅថ្ងៃសុក្រ និងថ្ងៃសៅរ៍សប្ដាហ៍នេះ ។ កិច្ចប្រជុំនេះនឹងពិភាក្សាអំពីរបៀបទាញយកទ្រព្យសម្បត្តិហិរញ្ញវត្ថុរបស់រុស្ស៊ីដែលមានតម្លៃ ៣០០ ពាន់លានដុល្លារ ដូចជារូបិយប័ណ្ណសំខាន់ៗ ដែលត្រូវបានបង្កកភ្លាមៗបន្ទាប់ពីទីក្រុងមូស្គូបានឈ្លានពានអ៊ុយក្រែនក្នុងខែកុម្ភៈ ឆ្នាំ ២០២២។

ទន្ទឹមនឹងនោះសហរដ្ឋអាមេរិកក៏កំពុងជំរុញឱ្យស្វែងរកមធ្យោបាយដើម្បីនាំមកនូវប្រាក់ចំណូលនាពេលអនាគតពីទ្រព្យសម្បត្តិទាំងនោះ តាមរយៈការប្រើទ្រព្យសម្បត្តិដែលបង្កកទៅបញ្ចាំ ដើម្បីផ្តល់ជាប្រាក់កម្ចីដល់អ៊ុយក្រែន ដែលអាចផ្តល់ឱ្យនូវទឹកប្រាក់ចំនួន ៥០ ពាន់លានដុល្លារក្នុងរយៈពេលដ៏ខ្លីខាងមុខនេះ ។

ឆ្លើយតមនឹងបញ្ហានេះប្រទេសអ៊ីតាលីដែលកាន់តំណែងជាប្រធាន G7 នៅឆ្នាំនេះបាននិយាយកាលពីសប្តាហ៍មុនថា សំណើរបស់សហរដ្ឋអាមេរិកស្តីពីការប្រើប្រាស់ទ្រព្យសម្បត្តិរបស់រុស្ស៊ីមានផលប៉ះពាល់ផ្លូវច្បាប់យ៉ាងធ្ងន់ធ្ងរ ខណៈរដ្ឋមន្ត្រីក្រសួងហិរញ្ញវត្ថុជប៉ុន ក៏បានសង្កត់ធ្ងន់ថាកិច្ចព្រមព្រៀងទាំងអស់ ត្រូវតែគោរពតាមច្បាប់អន្តរជាតិ។

ចំណែករុស្ស៊ី​ក៏បាន​ព្រមាន​លោកខាងលិច​ម្តងហើយម្តងទៀត​អំពី​ផលវិបាក ប្រសិនបើ​ទ្រព្យសម្បត្តិ​របស់​ខ្លួន​ត្រូវ​ប៉ះពាល់ និង​ចោទប្រកាន់​ក្រុង​វ៉ាស៊ីនតោន​ថា​បាន​សម្លុត​អឺរ៉ុប​ដើម្បី​ចាត់​វិធានការ​រារាំង​រុស្ស៊ីក្នុងសង្គ្រាមជាមួយ​អ៊ុយក្រែន៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម