Connect with us

ព័ត៌មានអន្ដរជាតិ

រុស្ស៊ី ត្រៀម​សង់​រោងចក្រ​ថាមពល​នុយក្លេអ៊ែរ​​ដំបូង​គេ​នៅ​អាស៊ី​កណ្ដាល

បានផុស

នៅ

រោងចក្រ​ថាមពល​នុយក្លេអ៊ែរ​ខ្នាត​តូច​មួយ នឹង​ត្រូវ​សាងសង់​នៅ​លើ​ទឹក​ដី​ប្រទេស​អ៊ូសបេគីស្ថាន ដែល​​​នេះ​គឺ​ជា​គម្រោង​​លើក​ដំបូង​បង្អស់​របស់​រុស្ស៊ី​នៅ​ក្នុង​តំបន់​អាស៊ី​កណ្ដាល។ នេះ​បើ​យោង​តាម​ការ​ប្រកាស​របស់​លោក Shavkat Mirziyoyev ប្រធានាធិបតី​អ៊ូសបេគីស្ថាន ក្រោយ​ជំនួប​ជាមួយ​លោក វ៉្លាឌឺមៀ ពូទីន មេ​ដឹក​នាំ​រុស្ស៊ី កាល​ពី​ថ្ងៃ​ទី​២៧ ខែ​ឧសភា ឆ្នាំ​​២០២៤។

​លោក​វ៉្លាឌឺមៀ ពូទីន ប្រធានាធិបតី​រុស្ស៊ី និង​លោក Shavkat Mirziyoyev ប្រធានាធិបតី​អ៊ូសបេគីស្ថាន (រូបភាព៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ច​ព្រមព្រៀង​ថាមពល​នុយក្លេអ៊ែរ​​នេះ នឹង​បង្ហាញ​ពី​​​សមត្ថភាព​របស់​រុស្ស៊ី ដែល​អាច​នាំ​ចេញ​មិន​ត្រឹម​តែ​ថាមពល​​នោះ​ទេ គឺ​ថែម​ទាំង​​ផលិតផល​បច្ចេកវិទ្យា​ទំនើបៗ​​ទៀត​ផង​ចូល​ក្នុង​ទីផ្សារ​អាស៊ី បើ​ទោះ​ជា​​មហា​អំណាច​មួយ​នេះ​កំពុង​ស្ថិត​នៅ​ក្រោម​សម្ពាធ​ទណ្ឌកម្ម​អន្តរជាតិ​ក៏​ដោយ។ លោក ពូទីន បាន​និយាយ​ថា រុស្ស៊ី នឹង​​ដាក់​ទុន ៤០០​លាន​ដុល្លារ​ចូល​ក្នុង​គម្រោង​វិនិយោគ​រួម​គ្នា​​​ចំនួន​៥០០​លាន​ដុល្លារ​ជាមួយ​អ៊ូសបេគីស្ថាន។

ប្រធានាធិបតីអ៊ូសបេគីស្ថាន បាន​ហៅ​ការមក​ដល់​របស់​លោក ពូទីន គឺ​ជា​ដំណើរ​ទស្សនកិច្ច​ជា​ប្រវត្តិសាស្ត្រ ដែល​បង្ហាញ​ពី​ការ​ចាប់​​ផ្ដើម​នៃ​យុគ​សម័យ​ថ្មី​នៅ​ក្នុង​ភាព​ជា​ដៃ​គូ​យុទ្ធសាស្ត្រ​ដ៏​ទូលំទូលាយ និង​ទំនាក់ទំនង​សម័្ពន្ធ​មិត្ត​រវាង​ប្រទេស​​ទាំង​២។ ជា​​ការ​ឆ្លើយ​តប មេ​ដឹក​នាំ​រុស្ស៊ី បាន​​​​ចាត់ទុកប្រទេស​អ៊ូសបេគីស្ថាន​គឺ​ជា​​សម្ព័ន្ធ​មិត្ត​​គួរ​ឲ្យ​​ទុក​ចិត្ត និង​​ជា​ដៃគូ​យុទ្ធសាស្ត្រ​​​របស់​រដ្ឋាភិបាល​ក្រុង​ម៉ូស្គូ។

យោង​តាម​របាយការណ៍​របស់​រុស្ស៊ី បាន​ឲ្យ​ដឹង​ថា ក្រុមហ៊ុន​​នុយក្លេអ៊ែរ​រដ្ឋ Rosatom នឹង​​រៀបចំ​​ម៉ាស៊ីន​រ៉េអាក់ទ័រ​​នុយក្លេអ៊ែរ​ចំនួន​៦​ ដែល​រ៉េអាក់ទ័រ​នីមួយៗ​អាច​បញ្ចេញ​ថាមពល​បាន ៥៥​មេហ្គាវ៉ាត់ នៅ​ក្នុង​ប្រទេស​អ៊ូសបេគីស្ថាន។ ទំហំ​ថាមពល​នេះ​ មាន​​កម្លាំង​តិច​ជាង​គម្រោង​​​មិន​ទាន់​សម្រេច​ផ្លូវការ​​រវាង​ប្រទេស​ទាំង​២ ដែល​បាន​ព្រមព្រៀង​កាល​ពី​ឆ្នាំ​២០១៨​​កន្លង​ទៅ​ ដោយ​ផ្ដល់​​ថាមពល​​បាន​​រហូត​ដល់ ២,៤​​ជីហ្គាវ៉ាត់​ឯណោះ៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៣ នាទី មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ៤៩ នាទី មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ៥០ នាទី មុន

ព្រះវិហារ ដ៏ចំណាស់អាយុជាង ១០០ឆ្នាំ ក្នុងវត្តដំណាក់ កំពុងទទួលបានការជួសជុល អភិរក្ស

ព័ត៌មានជាតិ១ ម៉ោង មុន

កម្ពុជាប្រារព្វទិវាអន្តរជាតិប្រយុទ្ធប្រឆាំងគ្រឿង ញៀនដ៏ធំប្រចាំឆ្នាំ ដើម្បីលើកកកម្ពស់ការអប់រំ

ព័ត៌មានជាតិ១ ម៉ោង មុន

តំបន់ទឹកស្ទឹង ដែលរីងហួតហែងនៅប៉ែកខាងក្រោម ចាប់ផ្ដើមមានទឹកហូរកាត់រឹមៗហើយ

ព័ត៌មានជាតិ២៣ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ២១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៣ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១៩ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២២ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម