ព័ត៌មានអន្ដរជាតិ
ឥណ្ឌូណេស៊ី កាត់ទោសអ្នកកំប្លែងម្នាក់ឲ្យជាប់គុក ក្រោយយកឈ្មោះ “Muhammad” ទៅលេងសើច
តុលាការឥណ្ឌូណេស៊ី បានកាត់ទោសតារាកំប្លែងម្នាក់ឲ្យជាប់គុកចំនួន ៧ខែ ក្រោយពីបុគ្គលរូបនេះបានយកឈ្មោះ “Muhammad” ធ្វើជាប្រធានបទលេងសើចនៅក្នុងកម្មវិធីរបស់ខ្លួន ដោយទង្វើនេះផ្ទុយពីច្បាប់ប្រមាថសាសនារបស់ឥណ្ឌូណេស៊ី ដែលជាប្រទេសសម្បូរទៅដោយជនជាតិមូស្លីមច្រើនជាងគេបង្អស់។
បុរសដែលត្រូវជាប់ទោស មានឈ្មោះថា Aulia Rakhaman ត្រូវរកឃើញថាមានពិរុទ្ធពីបទបំពានច្បាប់ប្រមាថ អំឡុងពេលសម្ដែងនៅក្នុងទីក្រុង Lampung លើកោះស៊ូម៉ាត្រា កាលពីខែធ្នូ ឆ្នាំ២០២៣។ តុលាការបានចោទប្រកាន់លោក Aulia នៅសប្ដាហ៍មុន ហើយទើបប្រកាសសាលក្រមថាត្រូវជាប់ពន្ធនាគារកាលពីថ្ងៃអង្គារទី១១ ខែមិថុនាម្សិលមិញ។
ក្នុងវីដេអូសម្ដែងដែលបានចែកចាយលើបណ្ដាញសង្គម លោក Aulia បានលេងសើចពាក់ព័ន្ធនឹងភាពបរិសុទ្ធនៃឈ្មោះ “Muhammad” ដោយថា ឈ្មោះនេះលែងសក្ដិសិទ្ធិទៀតហើយ ព្រោះមានមនុស្សច្រើនឈ្មោះ “Muhammad” បានជាប់គុកច្រើនគ្នាមកហើយ។
ឈ្មោះ “Mohammad” គឺជាឈ្មោះមួយ ដែលបានប្រើប្រាស់ច្រើនជាងគេបំផុតចំពោះបុរសៗជាជនជាតិឥណ្ឌូណេស៊ី ដែលជាសញ្ជាតិមួយប្រកាន់ខ្ជាប់សាសនាមូស្លីមធំជាងគេ។ ឈ្មោះនេះទៀតសោតត្រូវបានជំរុញឲ្យប្រើប្រាស់ដោយបុព្វជិតមូស្លីម។
ពាក់ព័ន្ធនឹងការកាត់ទោសលើកនេះ លោក Usman Hamid នាយកប្រតិបត្តិនៃអង្គការលើកលែងទោសអន្តរជាតិនៅឥណ្ឌូណេស៊ី បាននិយាយថា មាត្រាពាក់ព័ន្ធច្បាប់ប្រមាថបែបនេះគួរតែលុបបំបាត់ចោល។ បន្ថែមពីនេះ លោកបានសម្ដែងការព្រួយបារម្ភជាខ្លាំង ចំពោះនិតិវិធីក្នុងការប្រើប្រាស់ច្បាប់ប្រមាថសាសនា ដែលបណ្ដាលឲ្យជនស្លូតត្រង់ជាច្រើនត្រូវកាត់ទោសឲ្យជាប់ពន្ធនាគារ។
សូមបញ្ជាក់ថា កន្លងមក នៅក្នុងច្បាប់ប្រមាថសាសនានេះ តុលាការឥណ្ឌូណេស៊ី ធ្លាប់កាត់ទោសឲ្យអតីតអភិបាលក្រុងចាកាតាមួយរូបគឺលោក Basuki Tjahaja Purnama ជាប់ពន្ធនាគារចំនួន២ឆ្នាំ កាលពីឆ្នាំ២០១៧កន្លងទៅ។ មួយករណីទៀតគឺកាលពីខែកញ្ញា ឆ្នាំ២០២៣ មានការកាត់ទោសស្ត្រីម្នាក់ឲ្យជាប់ពន្ធនាគារផងដែររយៈពេល២ឆ្នាំ ចំពោះការបង្ហោះវីដេអូលើបណ្ដាញសង្គម TikTok បន្ទាប់ពីនាងបានសូត្រធម៌មូស្លីមមុនពេលទទួលទានសាច់ជ្រូក៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ