ជប៉ុន ប្រកាស​អាសន្ន​ពី​ជំងឺ​ដាច់សរសៃឈាមខួរក្បាល​ ខណៈរលក​កម្ដៅ​ ​វាយលុក​ខ្លាំង

ទីភ្នាក់ងារឧតុនិយមនិងក្រសួងបរិស្ថានជប៉ុន បានចេញសេចក្តីជូនដំណឹងអំពីការឡើងកម្តៅដ៏ក្ដៅគគុក នៅតំបន់មួយចំនួននាភាគខាងកើត ខាងលិច និងភាគនិរតី។ នេះបើយោងតាមការចេញផ្សាយរបស់ទូរទស្សន៍េជាតិជប៉ុន NHK កាលពីថ្ងៃទី៩ខែកក្កដាឆ្នាំ២០២៤។

ជាមួយនឹងសេចក្ដីព្រមាននៅតំបន់ឆ្នេរប៉ាស៊ីហ្វិក, ក្រសួងឧតុនិយមជប៉ុនប្រកាសថា ចាប់ពីតំបន់ Kanto ទៅភាគខាងលិច នឹងមានសីតុណ្ហភាពកើនឡើង ពោលគឺពេលថ្ងៃនឹងឈានដល់ ៣៧អង្សាសេនៅក្នុងទីក្រុង Owase នៃខេត្ត Mie, ៣៦អង្សាសេនៅកណ្តាលទីក្រុងតូក្យូ ក៏ដូចជាទីក្រុង Shizuoka និងទីក្រុង Miyazaki ខណៈ ៣៥អង្សាសេនៅទីក្រុង Fukuoka។

សូមបញ្ជាក់ថា ក្រសួងបានចេញការព្រមាននេះ ត្រឹមប៉ុន្មានថ្ងៃប៉ុណ្ណោះ បន្ទាប់ពីមនុស្សមួយចំនួន ត្រូវស្លាប់ដោយសារជំងឺដាច់សរសៃឈាមខួរក្បាល។

ស្របពេលជាមួយគ្នានោះ អាជ្ញាធរក៏ណែនាំឲ្យប្រជាពលរដ្ឋ ​ត្រូវ​ចៀសវាង​ការ​ចេញ​ទៅ​ក្រៅ​ផងដែរប្រសិនបើមិនចាំបាច់ ឬប្រើប្រាស់​ម៉ាស៊ីនត្រជាក់​ឲ្យ​បាន​ត្រឹមត្រូវ ផឹក​ទឹកឲ្យគ្រប់គ្រាន់។ ចំណែកឪពុកម្ដាយត្រូវបានណែនាំ ឲ្យយកចិត្តទុកដាក់ជាពិសេសចំពោះមនុស្សចាស់ និងកុមារដែលងាយនឹងកើតជំងឺដាច់សរសៃឈាមខួរក្បាល៕

អត្ថបទ៖ ប៊ុន សុភាព