ព័ត៌មានអន្ដរជាតិ
អ្នកគាំទ្រលោក Trump សម្រុកចូលកន្លែងរាប់សន្លឹកឆ្នោត តវ៉ាឲ្យបញ្ឈប់ការរាប់ (មានវីដេអូ)
ភាពតានតឹងបានកើនឡើងខ្លាំងនៅសហរដ្ឋអាមេរិកខណៈក្រុមអ្នកគាំទ្រលោក Trump បានសម្រុកចូលមជ្ឈមណ្ឌលសន្និបាតមួយក្នុងរដ្ឋ Michigan ដោយជំរុញឲ្យបញ្ឈប់ការរាប់សន្លឹកឆ្នោត។
អ្នកយកព័ត៌មាន NBC លោក Steve Patterson បានបង្ហោះវីដេអូបង្ហាញក្រុមអ្នកតវ៉ាស្រែកថា “បញ្ឈប់ការរាប់” ហើយព្យាយាមសម្រុកចូលទៅក្នុងមជ្ឈមណ្ឌល TCF Hall ក្នុងទីក្រុង Detroit ដែលជាកន្លែងសន្លឹកឆ្នោតកំពុងត្រូវបានរាប់។ គាត់និយាយថា វាតានតឹងណាស់។
រឿងនេះបានកើតឡើងបន្ទាប់ពីលោកប្រធានាធិបតី Donald Trump ប្រកាសអំពីជ័យជម្នះនិងបានស្តីបន្ទោសការលួចបន្លំសន្លឹកឆ្នោតដោយនិយាយថា លោកនឹងយករឿងនេះទៅតុលាការកំពូលដើម្បីជំទាស់នឹងការរាប់សន្លឹកឆ្នោត។
សហរដ្ឋអាមេរិកកំពុងប្រឈមមុខនឹងរលកនៃបាតុកម្មថ្មីៗនៅពេលប្រទេសនេះរង់ចាំការសម្រេចចិត្តចុងក្រោយថាតើអ្នកណានឹងក្លាយជាប្រធានាធិបតីបន្ទាប់។
រដ្ឋមួយចំនួនតូចនៅតែមិនទាន់ប្រកាសលទ្ធផលខណៈសន្លឹកឆ្នោតតាមប្រៃសណីយ៍ក្នុងចំនួនកំណត់ត្រានៅតែកំពុងត្រូវបានគេរាប់។
បុរសម្នាក់ត្រូវបានគេឃើញស្រែកដាក់ក្រុមអ្នកយកព័ត៌មាននៅក្នុងរដ្ឋ Nevada ដោយអះអាងថា លោក Joe Biden កំពុងលួចការបោះឆ្នោត។ គាត់ស្រែកយ៉ាងខ្លាំងថា “យើងចង់បានសេរីភាពរបស់យើងសម្រាប់ពិភពលោក”។
ទន្ទឹមនឹងនេះ ឆ្មាំជាតិត្រូវបានគេមើលឃើញនៅតាមដងផ្លូវនៃទីក្រុង Philadelphia ខណៈដែលរដ្ឋ Pennsylvania នៅតែបន្តរាប់សន្លឹកឆ្នោត។
បន្ទាប់ពីការបោះឆ្នោត ក្រុមបាតុករបានដុតទង់ជាតិអាមេរិកនិងបានដើរក្បួនក្នុងទីក្រុង Portland ដោយច្រៀងបទចម្រៀងតវ៉ានិងប្រដាប់ដោយកាំភ្លើងខណៈថ្ងៃបោះឆ្នោតបានបង្កឲ្យមានភាពតានតឹងពាសពេញប្រទេស៕
ប្រែសម្រួលដោយ៖ Vann Vann
ប្រភព៖ AFP
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៧ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត